ກອງປະຊຸມສູນກາງຄັ້ງທີ 8 ຊຸດທີ 11 ສືບຕໍ່ເຮັດວຽກ
ກອງປະຊຸມສູນກາງຄັ້ງທີ 8 ຊຸດທີ 11
(ພາບ: TTXVN)
(vovworld) – ຕອນເຊົ້າວັນທີ 4/10, ກອງປະຊຸມຄັ້ງທີ 8. ຄະນະບໍລິຫານງານສູນກາງພັກປະຊຸມວາລະຄົບຄະນະ ປຶກສາຫາລືກ່ຽວກັບສະພາບເສດຖະກິດ - ສັງຄົມປີ 2013, ໜ້າທີ່ປີ 2014; ຕີລາຄາການປະຕິບັດມະຕິກອງປະຊຸມໃຫຍ່ຄັ້ງທີ 11 ຂອງພັກ ກ່ຽວກັບເສດຖະກິດ - ສັງຄົມ, ເຊິ່ງຈຸດສຸມແມ່ນ 3 ຂອດບຸກທະລຸຍຸດທະສາດ ຕິດພັນກັບການສ້າງໂຄງປະກອບເສດຖະກິດຄືນໃໝ່, ການຫັນປ່ຽນຮູບແບບເຕີບໂຕ. ທ່ານ ຫງວຽນເຕິ໋ນຢຸງ, ກຳມະການກົມການເມືອງ, ນາຍົກລັດຖະມົນຕີ ໄດ້ເປັນປະທານກອງປະຊຸມ.
ຕອນບ່າຍຂອງວັນດຽວກັນ, ຄະນະບໍລິຫານງານສູນກາງພັກ ດຳເນີນວາລະປະຊຸມຄົບຄະນະ. ທ່ານປະທານປະເທດ ເຈືອງເຕິ໋ຊາງ, ຕ່າງໜ້າກົມການເມືອງເປັນປະທານກອງປະຊຸມ
ທ່ານ ໂຕຮູຍເຮື໋ອ, ກຳມະການກົມການເມືອງ, ຫົວໜ້າຄະນະຈັດຕັ້ງສູນກາງ ອ່ານບົດລາຍງານຂອງກົມການເມືອງກ່ຽວກັບກົດລະບຽບການເລືອກຕັ້ງໃນພັກ, ການສ້າງຕັ້ງບັນດາອະນຸກຳມະການກະກຽມກອງປະຊຸມໃຫຍ່ຄັ້ງທີ 12 ຂອງພັກ.
ມື້ເຮັດວຽກທີ່ 4 ຂອງກອງປະຊຸມສູນກາງຄັ້ງທີ 8 ຊຸດທີ 11
(ພາບ:noichinh.vn)
ກ່ອນໜ້ານັ້ນວັນທີ 03 ຕຸລາ, ຄະນະບໍລິຫານງານສູນກາງພັກ ໄດ້ດຳເນີນກອງປະຊຸມຄົບຄະນະທີ່ຫໍປະຊຸມພາຍໃຕ້ການເປັນເຈົ້າພາບຂອງ ທ່ານກຳມະການກົມການເມືອງ, ປະທານສະພາແຫ່ງຊາດ ຫງວຽນຊິງຮຸ່ງ. ທີ່ກອງປະຊຸມຄັ້ງນີ້, ບັນດາຜູ້ແທນໄດ້ປຶກສາຫາລືແຜນຮ່າງປ່ຽນໃໝ່ການສຶກສາ ແລະ ບຳລຸງສ້າງໂດຍພື້ນຖານ, ຮອບດ້ານ, ຕອບສະໜອງຄວາມຮຽກຮ້ອງຕ້ອງການຂອງການຫັນເປັນອຸດສາຫະກຳ, ທັນສະໄໝໃນເງື່ອນໄຂເສດຖະກິດການຕະຫຼາດຕາມທິດສັງຄົມນິຍົມ ແລະ ເຊື່ອມໂຍງເຂົ້າກັບສາກົນ.
ກໍ່ໃນຕອນບ່າຍວັນດຽວກັນ, ບັນດາຜູ້ແທນໄດ້ເຮັດວຽກຢູ່ໜ່ວຍ, ປຶກສາຫາລືສະພາບການເສດຖະກິດສັງຄົມປີ 2013, ໜ້າທີ່ຂອງປີ 2014; ຕີລາຄາສະພາບການປະຕິບັດມະຕິກອງປະຊຸມໃຫຍ່ຄັ້ງທີ 11 ຂອງພັກກ່ຽວກັບເສດຖະກິດ, ສັງຄົມ, ຈຸດສຸມແມ່ນ 3 ຂອດບຸກທະລຸຍຸດທະສາດຕິດພັນກັບການສ້າງໂຄງປະກອບພື້ນຖານເສດຖະກິດຄືນໃໝ່, ປ່ຽນໃໝ່ຮູບແບບການເຕີບໂຕ. ກ່ອນທີ່ດຳເນີນວາລະປຶກສາຫາລືຢູ່ໜ່ວຍ, ບັນດາຜູ້ແທນທີ່ເຂົ້າຮ່ວມກອງປະຊຸມໄດ້ບໍລິຈາກເງິນສະໜັບສະໜູນປະຊາຊົນບັນດາແຂວງພາກກາງທີ່ປະສົບຄວາມເສຍຫາຍຈາກພະຍຸ Wutip.