(VOVWORLD) - ເລີ່ມຕົ້ນບັນດາກອງປະຊຸມໃນຂອບເຂດກອງປະຊຸມສຸດຍອດ ອາຊຽນ ຄັ້ງທີ 35, ວັນທີ 31 ຕຸລາ, ຢູ່ບາງກອກ, ປະເທດໄທ, ໄດ້ດຳເນີນກອງປະຊຸມສະພາປະຊາຄົມເສດຖະກິດ ອາຊຽນຄັ້ງທີ 18 (AECC) .
 ຄະນະຜູ້ແທນ ຫວຽດນາມ ໂດຍທ່ານເຈິ່ນກ໊ວກແຄັ໊ງ ຮອງລັດຖະມົນຕີກະຊວງອຸດສາຫະກຳ ແລະ ການຄ້າ ນຳໜ້າເຂົ້າຮ່ວມກອງປະຊຸມ |
ຄະນະຜູ້ແທນຫວຽດນາມລວມມີ ຜູ້ຕາງໜ້າກະຊວງອຸດສາຫະກຳ ແລະ ການຄ້າ, ກະຊວງການເງິນ, ກະຊວງແຜນການ ແລະ ການລົງທຶນ ໂດຍທ່ານ ເຈິ່ນກ໊ວກແຄັ໊ງ ຮອງລັດຖະມົນຕີກະຊວງອຸດສາຫະກຳ ແລະ ການຄ້າ ນຳໜ້າເຂົ້າຮ່ວມກອງປະຊຸມ.
ທີ່ກອງປະຊຸມ, ສະພາລັດຖະມົນຕີໄດ້ກວດກາຄືນໂດຍລວມກ່ຽວກັບ ສະພາບການປະຕິບັດແຜນການກໍ່ສ້າງປະຊາຄົມ AEC 2025 ມາຮອດປັດຈຸບັນ, ພ້ອມກັນນັ້ນ ກໍ່ຍົກອອກ ຂໍ້ສະເໜີແນະຢ່າງລະອຽດ10 ຂໍ້ ເພື່ອສືບຕໍ່ຜັນຂະຫຍາຍ ແຜນການນີ້. ສະພາກໍ່ກວດກາຄືນສະພາບການປະຕິບັດບັນດາຂໍ້ລິເລີ່ມຂອງປະເທດປະທານອາຊຽນ ໄທ ໃນປີ 2019, ຕາມນັ້ນແລ້ວ, 10 ໃນ ຈຳນວນ 13 ບຸລິມະສິດຂອງ ໄທ ແມ່ນໄດ້ປະຕິບັດສຳເລັດ, ຍັງ 3 ບຸລິມະສິດ ຄາດວ່າ ຈະປະຕິບັດໃນທ້າຍປີນີ້. ບັນດາລັດຖະມົນຕີກໍ່ໄດ້ແລກປ່ຽນກ່ຽວກັບວິວັດທະນາການເຈລະຈາ ສັນຍາ ຄູ່ຮ່ວມມືເສດຖະກິດຮອບດ້ານໃນພາກພື້ນ RCEP.
ນັກຂ່າວ VOV ປະຈຳໄທ