( ກອງປະຊຸມສະພາແຫ່ງຊາດ )
(vovworld) – 4 ບັນຫາໃຫຍ່ໃນຮ່າງກົດໝາຍວ່າດ້ວຍການສະສົມແຫ່ງຊາດນັ້ນແມ່ນ: ຄາດໝາຍສະສົມແຫ່ງຊາດ, ລະດັບສະສົມແຫ່ງຊາດທັງໝົດ, ບັນຊີລາຍຊື່ສິນຄ້າສະສົມແຫ່ງຊາດ ແລະ ງົບປະມານແຫ່ງລັດສະຫງວນໃຫ້ແກ່ການສະສົມແຫ່ງຊາດ. ນີ້ແມ່ນເນື້ອໃນເຊິ່ງບັນດາສະມາຊິກສະພາແຫ່ງຊາດ (ສສຊ) ໄດ້ສູມໃສ່ປຶກສາຫາລືໃນຕອນບ່າຍວັນທີ 24/10. ສະພາແຫ່ງຊາດຈະພິຈາລະນາ, ຮັບຮອງເອົາກົດໝາຍວ່າດ້ວຍການສະສົມແຫ່ງຊາດໃນກອງປະຊຸມສະໄໝສາມັນຄັ້ງນີ້ຂອງສະພາແຫ່ງຊາດ.
ຕາມບັນດາ ສສຊ ແລ້ວ, ເພື່ອຮັບປະກັນໃຫ້ຖືກກັບທາດແທ້ຂອງການສະສົມແຫ່ງຊາດ, ຄວນປັບປຸງຄາດໝາຍສະສົມແຫ່ງຊາດຕາມທິດ ພຽງແຕ່ຮັກສາຄາດໝາຍຕອບສະໜອງຄວາມຕ້ອງການໂດຍບັງເອີນ, ຮີບດ່ວນກ່ຽວກັບການປ້ອງກັນ, ຕ້ານ, ແກ້ໄຂຜົນຮ້າຍທຳມະຊາດ, ອັກຄີໄພ, ໂລກລະບາດ, ຮັບໃຊ້ການປ້ອງກັນຊາດ, ປ້ອງກັນຄວາມສະຫງົບ ແລະ ປະຕິບັດບັນດາໜ້າທີ່ເກີດຂຶ້ນໂດຍບັງເອີນ ແລະ ຮີບດ່ວນອື່ນໆຂອງລັດ. ກ່ຽວກັບລະດັບສະສົມແຫ່ງຊາດທັງໝົດ, ທ່ານ Nguyen Van Tuyet ສສຊ ແຂວງ ບ່າເຮ້ຍ - ວຸງເຕົ່າ, ປະກອບຄວາມເຫັນວ່າ:
”ຂ້າພະເຈົ້າເຫັນດີກັບຄະນະປະຈຳສະພາແຫ່ງຊາດ ທີ່ໄດ້ຮັບເອົາຄວາມເຫັນຂອງ ສສຊ ແມ່ນຍົກເລີກການກຳນົດລະດັບສະສົມແຫ່ງຊາດທັງໝົດເພີ່ມຂຶ້ນເທື່ອລະກ້າວປະຈຳປີ. ຕາມກຳນົດໃນຮ່າງກົດໝາຍສະບັບໃໝ່ແລ້ວ, ລະດັບສະສົມແຫ່ງຊາດທັງໝົດແມ່ນຮັບປະກັນປະຕິບັດຄາດໝາຍສະສົມແຫ່ງຊາດ ແລະ ລັດຖະບານຍື່ນສະເໜີຕໍ່ສະພາແຫ່ງຊາດເພື່ອຕົກລົງລະດັບຈັດແບ່ງງົບປະມານໃຫ້ແກ່ການສະສົມແຫ່ງຊາດປະຈຳປີ. ຂ້າພະເຈົ້າເຫັນວ່າຂໍ້ກຳນົດນີ້ແມ່ນເໝາະສົມ ແລະ ຮັບປະກັນລັກສະນະເປັນໄປໄດ້”
ກ່ອນໜ້ານັ້ນ, ຕອນເຊົ້າວັນທີ 24/10, ບັນດາ ສສຊ ໄດ້ສຸມໃສ່ປຶກສາຫາລືກ່ຽວກັບສະພາບການປະຕິບັດແຜນການພັດທະນາເສດຖະກິດ-ສັງຄົມປີ 2012, ແຜນການພັດທະນາເສດຖະກິດ-ສັງຄົມປີ 2013. ຕາມນັ້ນແລ້ວ, ບັນດາຈຸດເດັ່ນກ່ຽວກັບເສດຖະກິດ-ສັງຄົມໃນປີ 2012 ແມ່ນ ສ້າງເສດຖະກິດມະຫາພາກເປັນປົກກະຕິ, ສາມາດຄວບຄຸມໄພເງິນເຟີ້ຢູ່ໃນລະດັບ 1 ຕົວເລກ, ມີສະຖຽນລະພາບທາງດ້ານການເມືອງ, ຮັບປະກັບຊີວິດສັງຄົມ. ແຕ່ຍັງບໍ່ສາມາດບັນລຸໄດ້ 5 ຄາດໝາຍຕາມແຜນການ, ໃນນັ້ນມີລະດັບການເຕີບໂຕ GDP ບໍ່ສາມາດບັນລຸໄດ້ຕາມແຜນການຄືແຕ່ 6 ຫາ 6,5%. ປີ 2013, ລັດຖະບານສະເໜີໃຫ້ສະພາແຫ່ງຊາດພິຈາລະນາກຳນົດຈຸດໝາຍໂດຍສັງເຂບ ຄື: ເພີ່ມທະວີການ ສ້າງເສດຖະກິດມະຫາພາກເປັນປົກກະຕິ, ຫຼຸດຜ່ອນອັດຕາເງິນເຟີ້, ເພີ່ມລະດັບການເຕີບໂຕໃຫ້ສູງກ່ວາປີ 2012; ຍົກສູງປະສິດທິຜົນວຽກງານພົວພັນຕ່າງປະເທດ ແລະ ເຊື່ອມໂຍງເຂົ້າກັບສາກົນ; ເພີ່ມທະວີການປ້ອງກັນຊາດປ້ອງກັນຄວາມສະຫງົບ , ຮັບປະກັນສະຖຽນລະພາບທາງດ້ານການເມືອງ.......ເພື່ອປະຕິບັດໜ້າທີ່ພັດທະນາເສດຖະກິດ-ສັງຄົມປີ 2013, ທ່ານ Vu Viet Ngoan ສ.ສ.ຊ ແຂວງແຄ້ງຮ່ວາມີຄຳເຫັນວ່າ:
“ນອກຈາກ 9 ວິທີການແກ້ໄຂຂອງລັດຖະບານກໍຄື 8 ວິທີການແກ້ໄຂຂອງຄະນະເສດຖະກິດແຫ່ງລັດສະເໜີນັ້ນ, ຂ້າພະເຈົ້າສະເໜີວ່າຕ້ອງເພີ່ມທະວີການກະຕຸ້ນຄວາມຕ້ອງການ. ຖ້າຫາກບໍ່ ກະຕຸ້ນຄວາມຕ້ອງການນັ້ນ, ສິນຄ້າຄ້າງສາງແມ່ນບໍ່ອາດຈຳໜ່າຍໄດ້. ຂ້າພະເຈົ້າສະເໜີຈຳໜ່າຍພັດທະບັດກິດຈະກຳ, ເລືອກເອົາ ບາງກິດຈະກຳທີ່ແທດຈິງ, ສຳຄັນເພື່ອຈຳໜ່າຍ. ທີ່ 2 ແມ່ນຕ້ອງສ້າງໂຄງປະກອບທະນາຄານຄືນໃໝ່ໄປຄຽງຄູ່ກັບການແກ້ໄຂໜີ້ເສຍ. ພ້ອມກັນນັ້ນ, ການສ້າງໂຄງປະກອບລັດວິສາຫະກິດຄືນໃໝ່ແມ່ນຕ້ອງຢູ່ໃນຂອບເຂດສັງລວມໃຫຍ່ກ່ວາອີກ ”