ກອງປະຊຸມສະມາຊິກສະພາແຫ່ງຊາດສະເພາະກິດ ຈັດຕັ້ງໃນຕອນເຊົ້າວັນທີ 3/4
(ພາບ: ຈ້ອງດຶກ/TTXVN)
|
(vovworld) – ຕອນເຊົ້າວັນທີ 3/4, ທີ່ສຳນັກງານສະພາແຫ່ງຊາດ, ໄດ້ໄຂກອງປະຊຸມສະມາຊິກສະພາແຫ່ງຊາດ (ສສຊ) ສະເພາະກິດ. ທີ່ກອງປະຊຸມ, ບັນດາ ສສຊ ສະເພາະກິດໄດ້ປະກອບຄຳເຫັນກ່ຽວກັບບັນດາຮ່າງກົດໝາຍສຳຄັນ, ລວມມີ: ຮ່າງກົດໝາຍປັບປຸງ, ເພີ່ມເຕີມບາງມາດຕາຂອງປະມວນກົດໝາຍອາຍາ ປີ 2015; ກົດໝາຍວ່າດ້ວຍການຄຸ້ມຄອງ, ນຳໃຊ້ຊັບສິນຂອງລັດ (ສະບັບປັບປຸງ); ກົດໝາຍວ່າດ້ວຍຄວາມຮັບຜິດຊອບຊົດເຊີຍຂອງລັດ (ສະບັບປັບປຸງ); ກົດໝາຍວ່າດ້ວຍການໜູນຊ່ວຍວິສາຫະກິດຂະໜາດກາງ ແລະ ນ້ອຍ; ກົດໝາຍວ່າດ້ວຍການວາງແຜນຜັງ…
ກອງປະຊຸມຈະສະຫງວນມື້ໜຶ່ງເພື່ອປຶກສາຫາລືຮ່າງກົດໝາຍປັບປຸງ, ເພີ່ມເຕີມບາງມາດຕາຂອງປະມວນກົດໝາຍອາຍາ ປີ 2015. ກ່ອນໜ້ານັ້ນ, ສະພາແຫ່ງຊາດຊຸດທີ 13 ໄດ້ຮັບຮອງເອົາປະມວນກົດໝາຍອາຍາ 2015 ທີ່ກອງປະຊຸມຄັ້ງທີ 10 ແລະ ມີຜົນສັກສິດນັບແຕ່ວັນທີ 1/7/2016 ເປັນຕົ້ນໄປ. ເຖິງຢ່າງໃດກໍ່ຕາມ, ໃນວິວັດຜັນຂະຫຍາຍການປະຕິບັດປະມວນກົດໝາຍ ແລະ ມະຕິຂອງສະພາແຫ່ງຊາດ ກ່ຽວກັບການປະຕິບັດປະມວນກົດໝາຍອາຍາປີ 2015 ໄດ້ພົບເຫັນບາງຂໍ້ຜິດເຂວ. ດັ່ງນັ້ນ, ສະພາແຫ່ງຊາດຊຸດທີ 13 ໄດ້ປະກາດໃຊ້ມະຕິກ່ຽວກັບການໂຈະຜົນສັກສິດຂອງປະມວນກົດໝາຍອາຍາປີ 2015 ໄວ້, ປະມວນກົດໝາຍດຳເນີນຄະດີອາຍາ, ກົດໝາຍວ່າດ້ວຍອົງການສືບສວນອາຍາ ແລະ ກົດໝາຍວ່າດ້ວຍການກັກຂັງຊົ່ວຄາວ; ພ້ອມທັງເພີ່ມເຕີມຮ່າງກົດໝາຍປັບປຸງ, ເພີ່ມເຕີມບາງມາດຕາຂອງປະມວນກົດໝາຍອາຍາປີ 2015 ເຂົ້າໃນໂຄງການສ້າງກົດໝາຍ, ລັດຖະດຳລັດປີ 2016 ເພື່ອຍື່ນສະເໜີຕໍ່ສະພາແຫ່ງຊາດຊຸດທີ 14 ປຶກສາຫາລື ແລະ ພິຈາລະນາຮັບຮອງເອົາ.