(vovworld) – ໂດຍສືບຕໍ່ລາຍການກອງປະຊຸມສະມາຊິກສະພາແຫ່ງຊາດສະເພາະກິດ, ຕອນເຊົ້າວັນທີ 09/09, ບັນດາສະມາຊິກສະພາແຫ່ງຊາດໄດ້ປຶກສາຫາລືກ່ຽວກັບບາງບັນຫາຂອງຮ່າງກົດໝາຍວ່າດ້ວຍການລົງທຶນ (ສະບັບປັບປຸງ), ພິເສດແມ່ນເນື້ອໃນຄື: ບັນຊີລາຍຊື່ຂະແໜງຫ້າມລົງທຶນ, ດຳເນີນທຸລະກິດ ແລະ ລົງທຶນ, ດຳເນີນທຸລະກິດໂດຍມີເງື່ອນໄຂ. ຕາມໝາກຜົນການສຳຫຼວດກວດກາ, ປະຈຸບັນມີ 51 ຂົງເຂດ, ຂະແໜງສິນຄ້າ, ບໍລິການຫ້າມລົງທຶນ, ດຳເນີນທຸລະກິດ ແລະ 386 ຂະແໜງອາຊີບດຳເນີນທຸລະກິດໂດຍມີເງື່ອນໄຂ. ພາຍຫຼັງພິຈາລະນາ, ຊັ່ງຊາ, ຄະນະປະຈຳສະພາແຫ່ງຊາດໄດ້ຕົກລົງກຳນົດ 11 ຂະແໜງ, ອາຊີບຫ້າມລົງທຶນ, ດຳເນີນທຸລະກິດ ແລະ 362 ຂະແໜງອາຊີບລົງທຶນ, ດຳເນີນທຸລະກິດໂດຍມີເງື່ອນໄຂໃນຮ່າງກົດໝາຍ.
ຜ່ານການປຶກສາຫາລື, ບັນດາສະມາຊິກສະພາແຫ່ງຊາດສະເໜີວ່າ ໃນ 11 ຂະແໜງອາຊີບຫ້າມລົງທຶນ, ດຳເນີນທຸລະກິດຕ້ອງກວດກາຄືນ, ຊັ່ງຊາ ຫັນປ່ຽນບາງຂະແໜງອາຊີບໄປຍັງບັນຊີລາຍຊື່ດຳເນີນທຸລະກິດໂດຍມີເງື່ອນໄຂ.