(vovworld) - ຕອນເຊົ້າວັນທີ 10/9, ໂດຍສືບຕໍ່ໂຄງການເຮັດວຽກຂອງກອງປະຊຸມສະມາຊິກສະພາແຫ່ງຊາດ (ສສຊ) ສະເພາະກິດ, ບັນດາ ສສຊ ປຶກສາຫາລືບາງເນື້ອໃນຂອງຮ່າງກົດໝາຍວ່າດ້ວຍເຮືອນຢູ່ (ສະບັບປັບປຸງ). ຂໍ້ກຳນົດກ່ຽວກັບນະໂຍບາຍເຮືອນຢູ່ສັງຄົມ, ເລື່ອງຄຸ້ມຄອງການນຳໃຊ້ເຂດອາຄານຫຼາຍຊັ້ນເດັ່ນຂອງຮ່າງກົດໝາຍສະບັບນີ້ ແມ່ນກຳນົດກ່ຽວກັບນະໂຍບາຍເຮືອນຢູ່ສັງຄົມ. ຕາມນັ້ນແລ້ວ, ລັດຮັກສາບົດບາດສຳຄັນໃນການສ້າງບັນດາກົນໄກ, ນະໂຍບາຍ, ເງື່ອນໄຂໜູນຊ່ວຍເພື່ອຕອບສະໜອງຄວາມຮຽກຮ້ອງຕ້ອງການກ່ຽວກັບເຮືອນຢູ່ໃຫ້ປະຊາຊົນຜູ້ມີລາຍຮັບຕຳ່. ບັນດາ ສສຊ ໄດ້ປະກອບຫຼາຍຄຳເຫັນກ່ຽວຂ້ອງເຖິງຂໍ້ກຳນົດກ່ຽວກັບກຳມະສິດລວມ ແລະ ກຳມະສິດສະເພາະສຳລັບເຮືອນຢູ່ໃນເຂດຕຶກອາຄານຫຼາຍຊັ້ນ.
ພາຍຫຼັງເຮັດວຽກມາເປັນເວລາ 3 ວັນ, ຕອນບ່າຍວັນທີ 10/9, ກອງປະຊຸມ ສສຊ ສະເພາະກິດໄດ້ອັດລົງ. ກ່າວຄວາມເຫັນທີ່ພິທີອັດ, ທ່ານປະທານສະພາແຫ່ງຊາດ ຫງວຽນຊິງຮຸ່ງສະເໜີວ່າ, ສຳລັບບັນດາເນື້ອໃນທີ່ມີຄຳເຫັນປະກອບໃນກອງປະຊຸມ, ບັນດາອົງການຮຽບຮຽງຄວນສົມທົບກັນຢ່າງແໜ້ນແຟ້ນກັບບັນດາອົງການກ່ຽວຂ້ອງເພື່ອຮັບເອົາຢ່າງເຂັ້ມງວດ, ຄົບຖ້ວນ. ປັບປຸງບັນດາຮ່າງກົດໝາຍເພື່ອຍື່ນສະເໜີສະພາແຫ່ງຊາດພິຈາລະນາ, ຮັບຮອງເອົາທີ່ກອງປະຊຸມສະໄໝສາມັນເທື່ອທີ 8 ຈະມາເຖິງ.