ກອງປະຊຸມສະຫຼຸບກົດໝາຍວ່າດ້ວຍເຮືອນຢູ່, ກົດໝາຍວ່າດ້ວຍການດຳເນີນທຸລະກິດອະສັງຫະລິມະຊັບ
(ພາບ: baodautu.vn)
(vovworld) – ຕອນເຊົ້າວັນທີ 23/5, ຢູ່ຮ່າໂນ້ຍ, ກະຊວງກໍ່ສ້າງໄດ້ຈັດຕັ້ງກອງປະຊຸມສະຫຼຸບກົດໝາຍວ່າດ້ວຍເຮືອນຢູ່, ກົດໝາຍວ່າດ້ວຍການດຳເນີນທຸລະກິດອະສັງຫະລິມະຊັບ ແລະ ມະຕິຂອງສະພາແຫ່ງຊາດກ່ຽວກັບເລື່ອງອະນຸຍາດໃຫ້ອົງການ, ສ່ວນບຸກຄົນຊາວຕ່າງປະເທດໄດ້ຊື້ ແລະ ກຳມະສິດເຮືອນຢູ່ ຢູ່ຫວຽດນາມ. ຕາມກະຊວງກໍ່ສ້າງແລ້ວ, ນັບແຕ່ມີກົດໝາຍວ່າດ້ວຍເຮືອນຢູ່ ເມື່ອປີ 2005 ແລະ ກົດໝາຍດຳເນີນທຸລະກິດອະສັງຫະລິມະຊັບ ເມື່ອປີ 1999, ມາຮອດປະຈຸບັນ ເນື້ອທີ່ເຮືອນຢູ່ໃນທົ່ວປະເທດໄດ້ເພີ່ມຂຶ້ນທົບ 2 ເທົ່າ. ເຖິງຢ່າງໃດກໍ່ຕາມ, ກົດໝາຍທັງສອງນີ້ຍັງມີຫຼາຍບັນຫາຍັງຄົງຄ້າງ ຕ້ອງໄດ້ຮັບການປັບປຸງ.
ລັດຖະບານໄດ້ມອບໃຫ້ກະຊວງກໍ່ສ້າງຄົ້ນຄ້ວາ, ສ້າງຮ່າງກົດໝາຍວ່າດ້ວຍເຮືອນຢູ່, ກົດໝາຍວ່າດ້ວຍການດຳເນີນທຸລະກິດອະສັງຫະລິມະຊັບ (ສະບັບປັບປຸງ) ເພື່ອສະເໜີຕໍ່ສະພາແຫ່ງຊາດຮັບຮອງເອົາ. ຄາດວ່າປີ 2014, ສະພາແຫ່ງຊາດຈະພິຈາລະນາ ແລະ ຮັບຮອງເອົາກົດໝາຍສອງສະບັບນີ້ ແລະ ຮອດປີ 2015 ຈະມີຜົນສັກສິດ. ເລື່ອງປັບປຸງກົດໝາຍວ່າດ້ວຍເຮືອນຢູ່, ກົດໝາຍວ່າດ້ວຍການດຳເນີນທຸລະກິດອະສັງຫະລິມະຊັບ ຖືກດຳເນີນບົນພື້ນຖານເໝາະສົມກັບຍຸດທະສາດພັດທະນາເຮື່ອນຢູ່ ເຊິ່ງທ່ານນາຍົກລັດຖະມົນຕີໄດ້ເຊັນອະນຸມັດ, ພ້ອມທັງຮັບປະກັນລັກສະນະເປັນເອກະພາບ ແລະ ຄົບຊຸດກັບບັນດາກົດໝາຍທີ່ກ່ຽວຂ້ອງ.