ກອງປະຊຸມສະຫຼຸບການປະຕິບັດມະຕິຂອງນາຍົກ ລັດຖະມົນຕີ ກ່ຽວກັບ ການກໍ່ສ້າງນະຄອນເກີນເທີ
(ກອງປະຊຸມສະຫຼຸບການປະຕິບັດມະຕິຂອງນາຍົກລັດຖະມົນຕີ
ກ່ຽວກັບການກໍ່ສ້າງນະຄອນເກີນເທີ ໄລຍະ 2009 – 2015)
(vovworld) – ຕອນເຊົ້າວັນທີ 23/12, ຢູ່ເກີນເທີ, ໄດ້ຈັດກອງປະຊຸມສະຫຼຸບການປະຕິບັດມະຕິຂອງນາຍົກລັດຖະມົນຕີ ກ່ຽວກັບການກໍ່ສ້າງນະຄອນເກີນເທີ ໄລຍະ 2009 – 2015.
ກ່າວຄຳເຫັນທີ່ກອງປະຊຸມ, ທ່ານຮອງນາຍົກລັດຖະມົນຕີ ຫວູ້ວັນນິງ ຖືວ່າ, ນະຄອນເກີນເທີ ພ້ອມກັບບັນດາກະຊວງ, ຂະແໜງການສູນກາງ ໄດ້ຕັ້ງໜ້າຜັນຂະຫຍາຍບັນດາໂຄງການເຄື່ອນໄຫວ ແລະ ບັນລຸໄດ້ຜົນງານຫຼາຍຢ່າງ. ທ່ານຮອງນາຍົກລັດຖະມົນຕີ ຫວູ້ວັນນິງ ຮຽກຮ້ອງໃຫ້ນະຄອນເກີນເທີ ສົມທົບກັບບັນດາກະຊວງ, ຂະແໜງການສູນກາງ ເພື່ອປະຕິບັດສຳເລັດຄາດໝາຍທີ່ໄດ້ວາງອອກ ເພື່ອແນໃສ່ນຳນະຄອນພັດທະນາໃຫ້ກາຍເປັນໃຈກາງຂອງເຂດທົ່ງພຽງແມ່ນ້ຳທາງພາກໃຕ້ຫວຽດນາມ.
ທີ່ກອງປະຊຸມ, ບັນດາກະຊວງ, ຂະແໜງການສູນກາງ ໄດ້ພ້ອມກັນແລກປ່ຽນ ແລະ ເຮັດແຈ້ງບັນດາບັນຫາທີ່ຍັງຄົງຂ້າງ ໃນວິວັດການປະຕິບັດໜ້າທີ່ຂອງນະຄອນເກີນເທີ ກ່ຽວກັບບັນດາກົນໄກນະໂຍບາຍ, ລະດົມແຫຼ່ງທຶນ ເພື່ອແນໃສ່ສ້າງທ່ວງທ່າຊຸກຍູ້ການພັດທະນາເສດຖະກິດສັງຄົມຂອງທ້ອງຖິ່ນເວົ້າສະເພາະ ແລະ ຂອງທົ່ວເຂດເວົ້າລວມ.