(ພາບ: ppa.edu.vn)
(vovworld)- ຕອນເຊົ້າວັນທີ 11/9, ຢູ່ຮ່າໂນ້ຍ, ກະຊວງສຶກສາ ແລະ ບຳລຸງສ້າງຫວຽດນາມ ໄດ້ຈັດກອງປະຊຸມສະຫລຸບ 3 ປີແຫ່ງການປະຕິບັດຄຳສັ່ງເລກທີ 296 ຂອງນາຍົກລັດຖະມົນຕີກ່ຽວກັບການປ່ຽນໃໝ່ການຄຸ້ມຄອງການສຶກສາຂັ້ນມະຫາ ວິທະຍາໄລ ໄລຍະ 2010-2012. ພາຍຫຼັງປະຕິບັດຄຳສັ່ງເລກທີ 296, ຂະແໜງສຶກສາ ແລະ ບຳລຸງສ້າງໄດ້ເປັນເຈົ້າການສ້າງໂຄງການດຳເນີນງານກ່ຽວກັບການ ຄຸ້ມຄອງການສຶກສາ ເພື່ອແນໃສ່ປະຕິຮູບ ແລະ ຍົກສູງຄຸນນະພາບ, ປະສິດທິຜົນວຽກງານຄຸ້ມຄອງບຳລຸງສ້າງ. ທ່ານບຸ່ຍວັນກາ ຮອງລັດຖະມົນຕີກະຊວງສຶກສາ ແລະ ບຳລຸງສ້າງຫວຽດນາມ ໃຫ້ຮູ້ວ່າ:
“ເພື່ອຍົກສູງຄຸນນະພາບການສຶກສາຕອບສະໜອງຄວາມຕ້ອງການດ້ານ ຊັບພະຍາກອນມະນຸດ ຮັບໃຊ້ພາລະກິດຫັນປະເທດຊາດເປັນປະເທດອຸດສາຫະກຳ ແລະ ທັນສະໄໝໃນໄລຍະຈະມາເຖິງ, ທົ່ວຂະແໜງສຸມໃສ່ປະຕິບັດບາງໜ້າທີ່ຈຸດສຸມຄື: ສືບຕໍ່ປ່ຽນໃໝ່ວຽກງານຄຸ້ມຄອງ ເພື່ອແນໃສ່ຍົກສູງຄຸນນະພາບການບຳລຸງສ້າງ; ເພີ່ມທະວີວຽກງານກວດກາ ກວດການ, ສ້າງລະບົບເອກະສານແນະນຳການປະຕິບັດກົດໝາຍວ່າດ້ວຍການສຶກສາຂັ້ນມະຫາວິທະຍາໄລ, ສ້າງແຜນຮ່າງປ່ຽນໃໝ່ໂດຍພື້ນຖານ ແລະ ຮອບດ້ານການສຶກສາບຳລຸງສ້າງເປັນສົມບູນແບບເພື່ອຍື່ນສະເໜີຕໍ່ຄະນະບໍລິຫານງານສູນກາງພັກກອມມູນິດຫວຽດນາມ ຄັ້ງຈະມາເຖິງ“