ກອງປະຊຸມສະຫລຸບ 3ປີແຫ່ງການປະຕິ ບັດຄຳສັ່ງເລກທີ 03 ຂອງກົມການເມືອງ
(ພາບ: VGP/Lê Sơn)
(vovworld)- ຕອນເຊົ້າວັນທີ 19/5, ຄະນະເລຂາສູນກາງພັກໄດ້ຈັດກອງປະຊຸມໂດຍກົງທາງເຄືຍຂ່າຍອິນເຕີແນັດ ສະຫລຸບ 3 ປີແຫ່ງການປະຕິບັດຄຳສັ່ງເລກທີ 03 ຂອງກົມການເມືອງກ່ຽວກັບການສືບຕໍ່ຍູ້ແຮງການຮ່ຳຮຽນ ແລະ ປະຕິບັດຕາມແບບຢ່າງຄຸນສົມບັດປະທານໂຮ່ຈິມິນ ໂດຍມີການເຂົ້າຮ່ວມຂອງ 63 ແຂວງ, ນະຄອນໃນທົ່ວປະເທດ.
ໃນບົດລາຍງານກ່ຽວກັບໝາກຜົນແຫ່ງການປະຕິບັດຄຳສັ່ງເລກທີ 03, ທ່ານດິງເທຮິງ, ກຳມະການກົມການເມືອງ, ເລຂາສູນກາງພັກ ຊີ້ແຈ້ງວ່າ: ໃນ 3 ປີຜ່ານມາ,ການຈັດຕັ້ງການຮ່ຳຮຽນ ແລະ ປະຕິບັດຕາມແບບຢ່າງຄຸນສົມບັດປະທານໂຮ່ຈິມິນ ໄດ້ຕິດພັນກັບການປະຕິບັດໜ້າທີ່ຂອງທ້ອງຖິ່ນ, ກັບວຽກງານກໍ່ສ້າງພັກ, ກັບບັນດາຂະບວນການແຂ່ງຂັນຢູ່ບັນດາທ້ອງຖິ່ນ, ອົງການ, ຫົວໜ່ວຍທັງຢູ່ພາຍໃນ ແລະ ຕ່າງປະເທດຢ່າງແໜ້ນແຟ້ນກ່ວາ.
ກ່າວຄຳເຫັນສະຫລຸບກອງປະຊຸມ, ທ່ານເລຮົ່ງແອງ, ກຳມະການກົມການເມືອງ, ຜູ້ປະຈຳການຄະນະເລຂາສູນກາງພັກໄດ້ຍອ້ງຍໍຊົມເຊີຍບັນດາຫມູ່ຄະນະ ແລະ ສ່ວນບຸກຄົນມີຜົນງານໃນການຮ່ຳຮຽນ ແລະ ປະຕິບັດຕາມແບບຢ່າງຄຸນສົມບັດປະທານໂຮ່ຈິມິນ ໃນ 3 ປີຜ່ານມາ. ທ່ານເລຮົ່ງແອງ ເນັ້ນໜັກວ່າ, ອົງຄະນະພັກຂັ້ນຕ່າງໆ ແລະ ການນຳບັນດາທ້ອງຖິ່ນ, ອົງການ, ຫົວໜ່ວຍຕ້ອງສືບຕໍ່ຊາບຊືມຢ່າງເລິກເຊິ່ງຄວາມສຳຄັນ, ຄວາມໝາຍແທດຈິງໃນສະເພາະໜ້າ ແລະ ຍາວນານ ການຮ່ຳຮຽນ ແລະ ປະຕິບັດຕາມແບບຢ່າງຄຸນສົມບັດປະທານໂຮ່ຈິມິນ./.