ກອງປະຊຸມສະຫລຸບ15ປີແຫ່ງການປະຕິບັດກົດໝາຍວ່າດ້ວຍສື່ມວນຊົນ
ລັດຖະມົນຕີວ່າການກະຊວງຖະແຫຼງຂ່າວ ແລະ ສື່ສານ ຫງວຽນບັກຊອນ ກ່າວຄຳເຫັນທີ່ກອງປະຊຸມ
(ພາບ: baomoi.com)
(vovworld) - ຕອນເຊົ້າວັນທີ 12/11, ທີ່ຮ່າໂນ້ຍ, ກະຊວງຖະແຫຼງຂ່າວ ແລະ ສື່ສານໄດ້ຈັດຕັ້ງກອງປະຊຸມສະຫລຸບ 15 ປີແຫ່ງການປະຕິບັດກົດໝາຍວ່າດ້ວຍສື່ມວນຊົນ, ພາຍຫຼັງ 5 ປີ, ພື້ນຖານສື່ມວນຊົນ ຫວຽດນາມ ໄດ້ພັດທະນາຢ່າງໄວດ້ານຈຳນວນສື່ສິ່ງພິມ, ຊ່ອງໂທລະພາບ, ກະຈາຍສຽງ, ສື່ເອເລັກໂຕນິກ. ນັກຂ່າວເກືອບ 18.000 ຄົນໄດ້ຮັບບັດດຳເນີນອາຊີບ. ມີນັກຂ່າວຫຼາຍຄົນໄດ້ປະກອບສ່ວນຕັ້ງໜ້າເຂົ້າໃນການຕໍ່ສູ້ຕ້ານບັນດາສິ່ງຫຍໍ້ທໍ້ໃນສັງຄົມ, ຍົກສູງຄວາມຮັບຜິດຊອບພົນລະເມືອງໃນການເຄື່ອນໄຫວສື່ມວນຊົນ. ກອງປະຊຸມໄດ້ຍົກອອກມາບັນດາທັດສະນະ, ປະກອບຄຳເຫັນໃນການປະກາດໃຊ້ກົດໝາຍວ່າດ້ວຍສື່ມວນຊົນສະບັບໃໝ່. ເປັນໜ້າສົນໃຈແມ່ນບັນດາບັນຫາກ່ຽວຂ້ອງເຖິງຮູບແບບການເຄື່ອນໄຫວ, ບຸກຄະລາກອນ ແລະ ການເຄື່ອນໄຫວເສດຖະກິດການສື່ມວນຊົນ. ບັນດາຜູ້ແທນຖືວ່າ: ກົດໝາຍວ່າດ້ວຍສື່ມວນຊົນສະບັບໃໝ່ຕ້ອງມີບັນດາຂໍ້ກຳນົດຍົກສູງຄວາມຮັບຜິດຊອບສັງຄົມ ແລະ ພັນທະຂອງບັນດາອົງການສື່ມວນຊົນ, ນັກຂ່າວ, ເພີ່ມເຕີມກົດໝາຍວ່າດ້ວຍສື່ມວນຊົນເພື່ອແນໃສ່ເພີ່ມທະວີຜົນສັກສິດໃນການຄຸ້ມຄອງຂອງລັດ ແຕ່ຍັງຄົງຮັບປະກັນສະຖຽນລະພາບໃນການເຄື່ອນໄຫວສື່ມວນຊົນ.