(VOVWORLD) - ຕອນເຊົ້າວັນທີ 08 ມັງກອນ, ກະຊວງການເງິນ ຫວຽດນາມ ຈັດຕັ້ງກອງປະຊຸມໂດຍກົງທາງອິນເຕີແນັດສະຫລຸບວຽກງານການເງິນ - ງົບປະມານແຫ່ງລັດປີ 2017, ຜັນຂະຫຍາຍໜ້າທີ່ການເງິນ - ງົບປະມານແຫ່ງລັດປີ 2018.
 ທ່ານນາຍົກລັດຖະມົນຕີ ຫງວຽນຊວນຟຸກ |
ເຂົ້າຮ່ວມ ແລະ ຊີ້ນຳກອງປະຊຸມມີທ່ານນາຍົກລັດຖະມົນຕີ ຫວຽດນາມ ຫງວຽນຊວນຟຸກ.
ໃນປີ 2017, ກະຊວງການເງິນໄດ້ປະຕິບັດການບໍລິຫານນະໂຍບາຍປີການເງິນຢ່າງເປັນເຈົ້າການ, ແໜ້ນແຟ້ນ, ປະຢັດ; ຮັດແໜ້ນລະບຽບວິໄນ, ກົດລະບຽບຂໍ້ບັງຄັບດ້ານການເງິນ ປະກອບສ່ວນ ຮັບປະກັນຄາດໝາຍການເຕີບໂຕເສດຖະກິດ.
ກ່າວຄຳເຫັນທີ່ກອງປະຊຸມ, ທ່ານນາຍົກລັດຖະມົນຕີ ຫງວຽນຊວນຟຸກ ຮຽກຮ້ອງກະຊວງການເງິນຕ້ອງຂະຫຍັນຂັນເຄື່ອນໃນການຄຸ້ມຄອງເສດຖະກິດ. ບັນດານະໂຍບາຍການເງິນ, ເຄື່ອງມືການເງິນຕ້ອງໄດ້ປະຕິບັດ ເພື່ອຊຸກຍູ້ການພັດທະນາ, ປອດໄສ, ຕ້ານການສໍ້ລາດບັງຫລວງ, ການຟຸມເຟືອຍ. ທ່ານນາຍົກລັດຖະມົນຕີ ຫງວຽນຊວນຟຸກ ກໍ່ສະເໜີຂະແໜງສ່ວຍສາອາກອນ ເປີດກ້ວາງການເກັບພາສີໄປສູ່ຂົງເຂດທີ່ມີຄວາມສາມາດບົ່ມຊ້ອນຄື: ການຫຼີ້ນເກມ, ການບໍລິການທ່ອງທ່ຽວ, ຄ້າຂາຍຜ່ານເຄືອຂ່າຍອິນເຕີແນັດ.