(VOVWORLD) - ປະຈຸບັນ, ຫວຽດນາມ ມີຜູ້ອາຍຸສູງຫຼາຍກວ່າ 11 ລ້ານຄົນ, ກວມເອົາ 12% ປະຊາກອນ.
ກ່າວຄຳເຫັນທີ່ກອງປະຊຸມສະຫລຸບວຽກງານຜູ້ອາຍຸສູງປີ 2020 ແລະ ຜັນຂະຫຍາຍໜ້າທີ່ປີ 2021 ດຳເນີນໃນຕອນເຊົ້າວັນທີ 15 ມັງກອນ, ທີ່ຮ່າໂນ້ຍ, ທ່ານຮອງນາຍົກລັດຖະມົນຕີ ຫວຽດນາມ ຫວູດຶກດາມ ຖືວ່າ: ໃນໄລຍະຜ່ານມາ, ການເຄື່ອນໄຫວເບິ່ງແຍງດູແລ, ການໜູນຊ່ວຍປະກັນສຸຂະພາບໃຫ້ແກ່ບັນດາເປົ້າໝາຍນະໂຍບາຍ, ຜູ້ມີຄຸນງາມຄວາມດີໄດ້ຮັບການຜັນຂະຫຍາຍເປັນຢ່າງດີໃນທົ່ວປະເທດ.
ເຖິງຢ່າງໃດກໍ່ຕາມ ມີຜູ້ອາຍຸສູງ 5% ທີ່ຂຶ້ນກັບຄອບຄົວທຸກຍາກຍັງບໍ່ທັນໄດ້ຮັບການປະກັນສຸຂະພາບເທື່ອ. ທ່ານຮອງນາຍົກລັດຖະມົນຕີ ຫວູດຶກດາມ ຮຽກຮ້ອງວ່າ:
“ປີ 2021 ແລະ ໜ້າທີ່ຈະມາເຖິງແມ່ນໃຫ້ສັງລວມຄືນບັນດາແຫຼ່ງກຳລັງຂອງລັດທີ່ມີຕໍ່ບັນດາເປົ້າໝາຍນະໂຍບາຍ ແລະ ໜູນຊ່ວຍສັງຄົມ. ໃນນັ້ນ ມີຜູ້ອາຍຸສູງ ບົນຈິດໃຈຈັດແບ່ງແຫຼ່ງກຳລັງໃຫ້ແຕ່ລະເປົ້າໝາຍຢ່າງມີປະສິດທິຜົນ, ຕາມທິດຄ່ອຍໆຫລຸດການໜູນຊ່ວຍໂດຍກົງລົງ, ເພື່ອໜູນຊ່ວຍບັນດາເປົ້າໝາຍ ສ້າງເງື່ອນໄຂໃນການ ຜະລິດ ແລະ ດຳເນີນທຸລະກິດທີ່ຕິດພັນກັບບັນດາໂຄງການລົບລ້າງຄວາມອຶດຫິວຫລຸດຜ່ອນຄວາມທຸກຍາກ, ກໍ່ສ້າງຊົນນະບົດໃໝ່. ”
ປະຈຸບັນ, ຫວຽດນາມ ມີຜູ້ອາຍຸສູງຫຼາຍກວ່າ 11 ລ້ານຄົນ, ກວມເອົາ 12% ປະຊາກອນ.