(ກອງປະຊຸມສະໄໝສາມັນເທື່ອທີ 5 ສະພາແຫ່ງຊາດຫວຽດນາມ ຊຸດທີ 13)
vovworld)- ວັນທີ 22/5, ສືບຕໍ່ລາຍການເຮັດວຽກ, ກອງປະຊຸມສະໄຫມສາມັນເທື່ອທີ 5 ສະພາແຫ່ງຊາດຫວຽດນາມຊຸດທີ 13 ໄດ້ປຶກສາຫາລືກ່ຽວກັບບົດລາຍງານ: ຕີລາຄາເພີ່ມເຕີມໝາກຜົນແຫ່ງການປະຕິບັດແຜນການພັດທະນາເສດຖະກິດສັງຄົມ ແລະ ງົບປະມານແຫ່ງລັດປີ 2012, ການຜັນຂະຫຍາຍການປະຕິບັດແຜນການພັດທະນາເສດຖະກິດສັງຄົມ ແລະ ງົບປະມານແຫ່ງລັດໃນຊຸມເດືອນຕົ້ນປີ 2013, ສະຫລຸບ ງົບປະມານແຫ່ງລັດປີ 2011.
ບັນດາຄຳເຫັນຂອງສະມາຊິກສະພາແຫ່ງຊາດລ້ວນແຕ່ຮັບຮູ້ວ່າ: ໃນສະພາບຫຍຸ້ງຍາກນີ້, ລັດຖະບານໄດ້ມານະພະຍາຍາມຊີ້ນຳບໍລິຫານ, ສະພາແຫ່ງຊາດຕິດຕາມຢ່າງແຫນ້ນແຟ້ນ, ປະຊາຄົມວິສາຫະກິດ ແລະ ປະຊາຊົນໄດ້ສູ້ຊົນເພື່ອບັນລຸໄດ້ບັນດາໝາກຜົນເປັນຫນ້າຊື່ນຊົມ. ເຖິງຢ່າງໃດກໍຕາມ ແຕ່ນີ້ຮອດທ້າຍປີ, ລັດຖະບານຄວນມີການກະທຳຢ່າງຂ້ຽວຂາດກວ່າເພື່ອບັນລຸບັນດາຕົວເລກຄາດໝາຍວາງອອກ. ທ່ານ ຫງວຽນດືກຫຽນ, ສສຊ ແຂວງ ເຫງ້ອານ ຖືວ່າ: ລັດຖະບານຄວນເອົາໃຈໃສ່ເຖິງການລົບລ້າງຄວາມອຶດຫິວຫລຸດຜ່ອນຄວາມຫຍຸ້ງຍາກກວ່າ ພິເສດຄວນປະກາດໃຊ້ກົນໄກພິເສດສະເພາະເພື່ອແກ້ໄຂຄວາມຫຍຸ້ງຍາກໃນການຜະລິດ, ຊີວິດການເປັນຢູ່ໃຫ້ແກ່ປະຊາຊົນຜູ້ຖືກຖອນທີ່ດິນເພື່ອກໍ່ສ້າງກິດຈະກຳເຂື່ອນໄຟຟ້າ.
ກ່ຽວກັບເສດຖະກິດ, ບັນດາສະມາຊິກສະພາແຫ່ງຊາດໄດ້ຮັບຮູ້ສັນຍານອັນຕັ້ງໜ້າໃນການບໍລິຫານເສດຖະກິດມະຫາພາກໃນໄລຍະຜ່ານມາ. ແຕ່ເພື່ອຮັບປະກັນໃຫ້ເສດຖະກິດຢ່າງໝັ້ນຄົງ, ເຂັ້ມແຂງ ລັດຖະບານຕ້ອງສຸມໃສ່ບາງຈຸດສຸມ. ທ່ານ ຟ້າມຮຸຍຮ່ວາງ ສະມາຊິກສະພາແຫ່ງຊາດນະຄອນຮ່າໂນ້ຍ, ສະເໜີວ່າ.
“ພວກຂ້າພະເຈົ້າສະເໜີສືບຕໍ່ພິຈາລະນາ ເພື່ອມີແຜນຮ່າງສ້າງເສດຖະກິດຄືນໃໝ່ຢ່າງຮອບດ້ານກວ່າ, ກຳນົດເປົ້າໝາຍ, ແຜນການ, ທິດທາງຂອງແຕ່ລະເນື້ອໃນຢ່າງລະອຽດ ເພື່ອດຳເນີນການສ້າງໂຄງປະກອບຄືນໃໝ່, ໃນນັ້ນຈຸດສຸມແມ່ນສ້າງຕັ້ງຄວາມດູ່ນດ່ຽງມະຫາພາກ, ກຳນົດໜ້າທີ່ຂອງແຕ່ລະກະຊວງ, ຂະແໜງການ ແລະ ທ້ອງຖິ່ນຢ່າງລະອຽດ. ໄປຄຽງຄູ່ກັນນັ້ນ, ລັດຖະບານ ແລະ ບັນດາກະຊວງ, ຂະແໜງການ ຕ້ອງມີມາດຕະການແກ້ໄຂຢ່າງດັດຂາດເພື່ອກະຕຸ້ນຄວາມຕ້ອງການແກ້ໄຂສິ້ນຄ້າຄ້າງສາງ, ໜີ້ເສຍ, ແກ້ໄຂຕະຫຼາດອະສັງຫາລິມະສັບຊົບເຊົາ; ກວດກາບັນດາກົນໄກ, ນະໂຍບາຍບໍ່ເໝາະສົມຄືນໃໝ່ ເພື່ອຫຍໍ້ໄລຍະຫ່າງຈາກນະໂຍບາຍຮອດສະພາບຕົວຈິງ”.
ແລະກໍ່ທີ່ການປຶກສາຫາລື, ສະມາຊິກສະພາແຫ່ງຊາດບາງທ່ານກໍສະເໜີລົງທຶນມສ່ຂົງເຂດກະສິກຳຫຼາຍກວ່າ ແລະ ເລີກເຊິ່ງກວ່າ; ຕ້ອງມີກົນໄກລົງທຶນເພື່ອຍູ້ແຮງການພັດທະນາເສດຖະກິດທະເລ, ປະກອບສ່ວນເຂົ້າໃນການພັດທະນາລວມຂອງເສດຖະກິດທົ່ວປະເທດ.