ຫງວຽນເທ໋ກີ, ຜູ້ອຳນວນການໃຫຍ່ ວິທະຍຸກະຈາຍສຽງ ຫວຽດນາມ, ປະທານສະພາທິດສະດີ, ວິຈານວັນນະຄະດີ, ສິລະປະສູນກາງ ກ່າວຄຳເຫັນທີ່ກອງປະຊຸມ
|
(vovworld) - ຕອນເຊົ້າວັນທີ 3/3, ຢູ່ ຮ່າໂນ້ຍ, ສະພາທິດສະດີ, ວິຈານວັນນະຄະດີ, ສິລະປະສູນກາງ ໄດ້ຈັດຕັ້ງກອງປະຊຸມສະໄໝທຳອິດ, ກ່າວຄວາມເຫັນໄຂກອງປະຊຸມ, ທ່ານ ຫງວຽນເທ໋ກີ, ຜູ້ອຳນວນການໃຫຍ່ ວິທະຍຸກະຈາຍສຽງ ຫວຽດນາມ, ປະທານສະພາທິດສະດີ, ວິຈານວັນນະຄະດີ, ສິລະປະສູນກາງ ຖືວ່າ, ບັນດາເນື້ອໃນກະກຽມ ແລະ ຍົກອອກມາປຶກສາຫາລືໃນກອງປະຊຸມຄັ້ງນີ້ແມ່ນບັນດາບັນຫາໃຫຍ່, ສຳຄັນ, ມີບົດບາດເປັນພື້ນຖານໃຫ້ແກ່ການເຄື່ອນໄຫວທັງໝົດຂອງສະພາໃນອາຍຸການ 2016-2021. ທ່ານກໍ່ໄດ້ສຳເໜີບັນດາຜູ້ແທນສຸມໃສ່ປຶກສາຫາລື 10 ເນື້ອໃນຈຸດສຸມໃນຮ່າງລາຍການເຄື່ອນໄຫວຂອງສະພາ ອາຍຸການ 2016-2021 ແລະ ຂອງປີ 2017.
“ສຳລັບແຕ່ລະເນື້ອໃນລະອຽດ, ຂໍໃຫ້ປຶກສາຫາລື, ຊີ້ໃຫ້ເຫັນຄວາມສະດວກ, ຄວາມຫຍຸ້ງຍາກ, ສະເໜີແນະວິວັດທະນາການ ແລະ ບັນດາມາດຕະການປະຕິບັດຢ່າງມີປະສິດທິຜົນ. ນັບແຕ່ນີ້ເຖິງທ້າຍປີ, ຄາດຄະເນວ່າຈຳນວນວຽກງານຕ້ອງຜັນຂະຫຍາຍແມ່ນຫຼາຍພໍສົມຄວນ, ໃນຂະນະນັ້ນ, ບັນດາສະມາຊິກສະພາເກືອບທັງໝົດຕ້ອງເຄື່ອນໄຫວແບບຄວບໜ້າທີ່. ຖ້າຫາກວ່າພວກເຮົາແຕ່ລະຄົນບໍ່ຍົກສູງຄວາມຮັບຜິດຊອບໜ້າທີ່, ເປັນເຈົ້າການ, ມີຫົວຄິດປະດິດສ້າງ, ຊັບຊ້ອນວຽກງານຢ່າງເໝາະສົມ, ແມ່ນຍາກທີ່ຈະປະຕິບັດສຳເລັດໜ້າທີ່ໄດ້“.
ທີ່ກອງປະຊຸມສຳມະນາບັນດາຜູ້ແທນຕີລາຄາສູງວັນນະຄະດີ, ສິລະປະໄດ້ຮ່ວມເດີນທາງພ້ອມກັບພາລະກິດປ່ຽນໃໝ່ປະເທດຊາດ; ບັນຫາຄວາມເສລີໃນການປະດິດແຕ່ງວັນນະຄະດີ ສິລະປະ ແລະ ພັດທະນາວັນນະຄະດີເຂດພູດອຍ, ເຂດຊົນເຜົ່າສ່ວນໜ້ອຍ.