(vovworld) - ຕອນບ່າຍວັນທີ 12/6, ສະພາແຫ່ງຊາດໄດ້ປຶກສາຫາລື ຢູ່ຫໍປະຊຸມ ກ່ຽວກັບຮ່າງກົດໝາຍປັບປຸງ, ເພີ່ມເຕີມ ບາງຂໍ້ມາດຕາຂອງກົດໝາຍວ່າດ້ວຍການຄຸ້ມຄອງອາກອນ. ຄຳເຫັນສ່ວນຫຼາຍ ໄດ້ເຫັນດີຕ້ອງຫັນລະບຽບການປະຕິຮູບບໍລິຫານອາກອນເປັນງ່າຍດາຍກ່ວາອີກ, ພິເສດແມ່ນຫຼຸດຜ່ອນບັນດາແບບຟອມ ເພື່ອແນໃສ່ຫຼຸດຜ່ອນເວລາ, ປະຢັດຄ່າໃຊ້ຈ່າຍ. ໄປຄຽງຄູ່ກັນນັ້ນ, ຕ້ອງຍົກສູງປະສິດທິຜົນການການຄຸ້ມຄອງ ອາກອນ. ມີບາງຄຳເຫັນສະເໜີຕ້ອງ ເພີ່ມລະດັບປັບໄໝ ຕໍ່ ບັນດາການກະທຳລະເມີດກົດໝາຍ ກ່ຽວກັບອາກອນ ຍ້ອນ ສະພາບການຕິດໜີ້ ອາກອນຄືປະຈຸບັນຍັງຫຼວງຫຼາຍຢູ່, ປະຕິບັດບັນດາມາດຕະການບັງຄັບ ເພື່ອຮັບປະກັບຄວາມສາມາດເກັບໜີ້ສິນຢ່າງມີປະສິດທິຜົນທີ່ສຸດ. ທ່ານນາງ Nguyen Thi Kim Be, ສະມາຊິກສະພາແຫ່ງຊາດແຂວງ ກຽນຢາງ ປະກອບຄຳເຫັນວ່າ:
“ສະພາບການມີວິສາຫະກິດຫຼາຍແຫ່ງຕັ້ງໃຈໄລ່ລຽງແບບຫຼຸບທຶນ, ຊ້ຳບໍ່ໜຳມີວິສາຫະກິດແຈ້ງຫຼຸບທຶນໃນຫຼາຍປີ ແຕ່ວ່າຍັງຄົງສືບຕໍ່ເປີດກ້ວາງການຜະລິດດຳເນີນທຸລະກິດ ຖືກດຳເນີນຢ່າງຫຼວງຫຼາຍ ແຕ່ວ່າກົດໝາຍປະຈຸບັນຍັງບໍ່ທັນມີຂໍ້ກຳນົດ ເພື່ອສະກັດກັ້ນ ອັນໄດ້ພາໄປເຖິງບັນດາວິສາຫະກິດສວຍໃຊ້ໂອກາດເພື່ອໜີ້ພາສີ, ເຮັດໃຫ້ສູນເສຍແຫຼ່ງລາຍຮັບງົບປະມານແຫ່ງລັດ. ດັ່ງນັ້ນ, ຂ້າພະເຈົ້າເຫັນດີເລື່ອງເພີ່ມເຕີມເນື້ອໃນກ່ຽວຂ້ອງເຖິງກົນໄກຕົກລົງລ່ວງໜ້າ ກ່ຽວກັບວິທີກຳນົດການຄິດໄລ່ອາກອນ, ແນໃສ່ປະກອບສ່ວນສະກັດກັ້ນປະກົດການຫຍໍ້ທໍ້ ພວມເກີດຂຶ້ນຄືປະຈຸບັນ”
(ພາບ:ketoan.org)
ແລະກໍໃນຕອນເຊົ້າວັນດຽວກັນ, ສະພາແຫ່ງຊາດປຶກສາຫາລືຢູ່ຫໍປະຊຸມກ່ຽວກັບຮ່າງມະຕິບັນດາມາດຕະການດ້ານອາກອນ ເພື່ອແນໃສ່ແກ້ໄຂຄວາມຫຍຸ້ງຍາກໃຫ້ແກ່ວິສາຫະກິດ ແລະ ສ່ວນບຸກຄົນໃນປີ 2012.
ຕໍ່ໜ້າສະພາບເສດຖະກິດປະສົບກັບຄວາມຫຍຸ້ງຍາກໃນປະຈຸບັນ, ລັດຖະບານໄດ້ຍື່ນສະເໜີຮ່າງມະຕິບັນດາມາດຕະການດ້ານອາກອນ ເພື່ອແນໃສ່ແກ້ໄຂຄວາມຫຍຸ້ງຍາກໃຫ້ແກ່ວິສາຫະກິດ, ໜູນຊ່ວຍຕະຫຼາດຄື: ຫລຸດ 30% ອາກອນທີ່ວິສາຫະກິດຕ້ອງເສຍໃນປີ 2012 ໃຫ້ບາງເປົ້າໝາຍວິສາຫະກິດ ຊື່ງລວມມີ: ຕ່ຳແຜ່ນຕັດຫຍີບ, ເກີບໜັງ, ກໍ່ສ້າງບັນດາກິດຈະກຳພື້ນຖານໂຄງລ່າງເສດຖະກິດ, ສັງຄົມ….ຍົກເວັ້ນອາກອນມູນຄ່າເພີ່ມ, ອາກອນລາຍຮັບສ່ວນບຸກຄົນ, ວິສາຫະກິດສຳລັບຜູ້ໃຫ້ເຊົ່າເຮືອນຢູ່ ແລະ ສຳລັບກຳມະກອນ, ຜູ້ອອກແຮງງານ, ນັກຮຽນ, ນັກສຶກສາ….
ຄຳເຫັນຂອງສະມາຊິກສະພາແຫ່ງຊາດຫຼາຍທ່ານ ໄດ້ເຫັນດີກັບເລື່ອງຫລຸດອາກອນວິສາຫະກິດໃຫ້ບາງເປົາໝາຍຈາກ 25% ລົງເຫຼືອພຽງ 20%; ສະໜັບສະໜູນການຫຼຸດອັດຕາດອກເບັ້ຍເງິນກູ້ຢືມ. ບາງຄຳເຫັນສະເໜີຫລຸດ 50% ອັດຕາພາສີສົ່ງອອກ, ອາກອນມູນຄ່າເພີ່ມສຳລັບບາງປະເພດສິນຄ້າທີ່ຈຳເປັນ ເພື່ອແນໃສ່ເຮັດໃຫ້ລາຄາເປັນປົກກະຕິ, ປະກອບສ່ວນແກ້ໄຂຄວາມຫຍູ້ງຍາກໃຫ້ແກ່ວິສາຫະກິດ ແລະ ໜູນຊ່ວຍຜູ້ອຸປະໂພກບໍລິໂພກ. ທ່ານ Nguyen Van Binh ສະມາຊິກສະພາແຫ່ງຊາດນະຄອນ Hai Phong ມີຄຳເຫັນວ່າ:
“ຂ້າພະເຈົ້າມີຂໍ້ສະເໜີທີ 1 ແມ່ນ: ຕ້ອງເພີ່ມເຕີມການຍົກເວັ້ນອາກອນລາຍຮັບສ່ວນບຸກຄົນໃນຂັ້ນຕ່າງໆ ໃນຂະນະທີ່ລໍຖ້າການປັບປຸງກົດໝາຍວ່າດ້ວຍລາຍຮັບສ່ວນບຸກຄົນ ຊື່ງອາດຈະໜູນຊ່ວຍການຈຳໜ່າຍ, ກະຕຸກຊຸກຍູ້ການໃຊ້ສອຍ. ທີ 2 ແມ່ນຕ້ອງໜູນຊ່ວຍການສົ່ງເສີມການຄ້າທັງຢູ່ພາຍໃນ ແລະ ຕ່າງປະເທດ, ໂດຍສະເພາະແມ່ນສິນຄ້າຜະລິດຢູ່ພາຍໃນປະເທດ. ນະໂຍບາຍເງິນຕາຄວນສືບຕໍ່ມີໄຫວພິບ ແລະ ສືບຕໍ່ຫລຸດອັດຕາດອກເບັ້ຍເງິນກູ້ຢືມເພື່ອແກ້ໄຂຄວາມຫຍູ້ງຍາກໃຫ້ແກ່ວິສາຫະກິດ ແລະ ພື້ນຖານເສດຖະກິດ .“