ກອງປະຊຸມສະໄຫມສາມັນເທື່ອທີ 5 ສະພາແຫ່ງຊາດຫວຽດນາມ ຊຸດທີ 13
ພາບ:internet
|
(vovworld)- ຕອນບ່າຍວັນທີ 23/5, ກອງປະຊຸມສະໄໝສາມັນເທື່ອທີ 5, ສະພາແຫ່ງຊາດຫວຽດນາມຊຸດທີ 13. ທ່ານນາຍົກລັດຖະມົນຕີ ຫງວຽນເຕິ໋ຢຸງ ໄດ້ອ່ານບົດລາຍງານສະເໜີທ່ານ ດິງຕ໋ຽນຢຸງ, ກຳມະການສູນກາງພັກ, ຫົວໜ້າອົງການກວດສອບແຫ່ງລັດ ຮັບດຳລົງຕຳແໜ໋ງເປັນລັດຖະມົນຕີກະຊວງການເງິນ. ຖ້າຫາກສະພາແຫ່ງຊາດເຫັນດີຕໍ່ການສະເໜີນີ້, ສະພາແຫ່ງຊາດຈະພົ້ນຕຳແໜ່ງຫົວໜ້າອົງການກວດສອບແຫ່ງລັດ, ຫຼັງຈາກນັ້ນຈະອະນຸມັດຜ່ານຂໍ້ສະເໜີແຕ່ງຕັ້ງຕຳແໜ່ງລັດຖະມົນຕີການເງິນໃຫ້ທ່ານ ດິງຕ໋ຽນຢຸງ ໃນວັນທີ 24/5.
ກ່ອນໜ້ານັ້ນ, ສະພາແຫ່ງຊາດໄດ້ຕົກລົງອະນຸມັດຜ່ານຂໍ້ສະເໜີຂອງທ່ານນາຍົກລັດຖະມົນຕີ ກ່ຽວກັບການພົ້ນຕຳແໜ່ງລັດຖະມົນຕີການເງິນສຳລັບທ່ານ ເວືອງດິ່ງເຫວ້ (Vuong Dinh Hue).
ກ່ອນໜ້ານັ້ນ, ຕອນເຊົ້າວັນທີ 23/5, ບັນດາສະມາຊິກສະພາແຫ່ງຊາດເຂົ້າຮ່ວມກອງປະຊຸມສະໄຫມສາມັນເທື່ອທີ 5 ສະພາແຫ່ງຊາດຫວຽດນາມ ຊຸດທີ 13 ໄດ້ຮັບຟັງບົດລາຍງານຮ່າງກົດໝາຍສະບັບປັບປຸງ, ເພີ່ມເຕີມບາງຂໍ້ມາດຕາຂອງກົດໝາຍວ່າດ້ວຍການພັກອາໄສ, ບົດລາຍງານກ່ຽວກັບການຄາດຄະເນໂຄງການສ້າງກົດໝາຍ, ລັດຖະບັນຍັດຂອງສະພາແຫ່ງຊາດປີ 2014, ການປັບປຸງໂຄງການສ້າງກົດໝາຍ, ລັດຖະບັນຍັດຊຸດທີ 13 ແລະ ປີ 2013 ຂອງສະພາແຫ່ງຊາດ.
ຮ່າງກົດໝາຍປັບປຸງ, ເພີ່ມເຕີມບາງຂໍ້ມາດຕາຂອງກົດໝາຍວ່າດ້ວຍການພັກອາໄສ ລວມມີ 2 ມາດຕາ ດ້ວຍເນື້ອໃນປັບປຸງ, ເພີ່ມເຕີມບັນດາຂໍ້ກຳນົດກ່ຽວກັບການກະທຳຖືກຫ້າມ, ກ່ຽວກັບເງື່ອນໄຂຈົດທະບຽນພັກອາໄສຢູ່ນະຄອນທີ່ຂຶ້ນກັບສູນກາງ, ກ່ຽວກັບການປ່ຽນແປງສະຖານທີ່ຈົດທະບຽນພັກອາໄສ. ຕາມກະຊວງຕຳຫລວດແລ້ວ, ຮ່າງກົດໝາຍດັ່ງກ່າວແນໃສ່ສ້າງພື້ນຖານດ້ານນິຕິກຳໃຫ້ສົມບູນແບບ, ຮັບປະກັນຄວາມກົມກຽວທາງດ້ານສິດ ແລະ ສິດຜົນປະໂຫຍດຖືກກັບກົດໝາຍຂອງຄົນ, ອົງການຈັດຕັ້ງ, ພ້ອມທັງເພີ່ວທະວີວຽກງານຄຸ້ມຄອງແຫ່ງລັດ, ປະກອບສ່ວນຮັກສາຄວາມສະຫງົບແຫ່ງຊາດ, ຮັບປະກັນຄວາມເປັນລະບຽບຮຽບຮ້ອຍທາງສັງຄົມໃນສະພາບການໃຫມ່.
ກ່ຽວກັບໂຄງການສ້າງກົດໝາຍ, ລັດຖະບັນຍັດຂອງສະພາແຫ່ງຊາດປີ 2014, ບົດລາຍງານຂອງຄະນະປະຈຳສະພາແຫ່ງຊາດຊີ້ແຈງວ່າ: ໂດຍອີງໃສ່ຄວາມຮຽກຮ້ອງຕ້ອງການທີ່ວາງອອກສຳລັບວຽກງານສ້າງກົດໝາຍ, ລັດຖະບັນຍັດປີ 2014 ແລະ ບົນພື້ນຖານບົດລາຍງານຂອງລັດຖະບານ, ຮຽກຮ້ອງໃຫ້ບັນດາອົງການ, ຄະນະປະຈຳສະພາແຫ່ງຊາດຄາດຄະເນໂຄງການສ້າງກົດໝາຍ, ລັດຖະບັນຍັດປີ 2014. ແລະກໍ່ໃນຕອນເຊົ້າວັນດຽວກັນ, ທ່ານນາຍົກລັດຖະມົນຕີ ຫງວຽນເຕີນຢູງ ອ່ານບົດລາຍງານຂອງສະພາແຫ່ງຊາດກ່ຽວກັບການພົ້ນຕຳແຫນ່ງລັດຖະມົນຕີກະຊວງການເງິນສຳລັບທ່ານ ເວືອງດີງເຫວ້.