(vovworld) - ຕ້ອງລາຍງານບັນດາໂຄງການເຂື່ອນໄຟຟ້ານ້ຳຕົກທັງໝົດຕໍ່ນາຍົກລັດຖະມົນຕີ ກອນການລົງທຶນ, ນີ້ແມ່ນຄຳຢືນຢັນຂອງທ່ານລັດຖະມົນຕີການຊວງອຸດສາຫະກຳການຄ້າຫວຽດນາມ ຫວູຮຸຍຮ່ວາງ ທີ່ກອງປະຊຸມສະພາແຫ່ງຊາດໃນຕອນບ່າຍວັນທີ 13/11 ເມື່ອບັນດາສະມາຊິກສະພາແຫ່ງຊາດ (ສສຊ) ປຶກສາຫາລືກ່ຽວກັບການວາງແຜນກຳນົດເຂື່ອນໄຟຟ້ານ້ຳຕົກ. ເຊິ່ງຕາມນັ້ນແລ້ວ, ໂຄງການ ເຂື່ອນໄຟຟ້ານ້ຳຕົກທັງໝົດ, ບໍ່ຈຳແນກຂອບຂະໜາດ, ກໍ່ລ້ວນແຕ່ຕ້ອງໄດ້ຮັບຄວາມເຫັນດີຈາກນາຍົກລັດຖະມົນຕີຈຶ່ງໄດ້ຮັບການລົງມືກໍ່ສ້າງ. ມາດຕະການແກ້ໄຂດັ່ງກ່າວເພື່ອແນໃສ່ຊ່ວຍໃຫ້ລັດຖະບານຄຸ້ມຄອງ, ເລື່ອງກໍ່ສ້າງບັນດາໂຄງການເຂື່ອນໄຟຟ້ານ້ຳຕົກໃນທົ່ວປະເທດຢ່າງແໜ້ນແຟ້ນ ແລະ ເປັນເອກະພາບ.
ກໍ່ທີ່ກອງປະຊຸມປຶກສາຫາລື, ບັນດາສສຊ ໄດ້ຕີລາຄາສູງເລື່ອງລັດຖະບານກວດກາຄືນບັນດາໂຄງການເຂື່ອນໄຟຟ້ານ້ຳຕົກໃນທົ່ວປະເທດ. ນີ້ແມ່ນວຽກງານທີ່ຈຳເປັນ, ສະກັດກັ້ນໄພຊຸດໂຊມສິ່ງແວດລ້ອມ ໂດຍສະເພາະແມ່ນສະກັດກັ້ນເລື່ອງສ້າງເຂື່ອນໄຟຟ້ານ້ຳຕົກເພື່ອທຳລາຍປ່າ. ບັນດາສສຊ ກໍ່ຖືວ່າ, ຢູ່ຫວຽດນາມ ພະລັງງານໄຟຟ້າຈາກ ເຂື່ອນໄຟຟ້ານ້ຳຕົກແມ່ນທ່າແຮງ, ແມ່ນຄວາມສາມາດບົມຊ້ອນເພື່ອຮັບໃຊ້ການພັດທະນາເສດຖະກິດສັງຄົມ, ແຕ່ວ່າ ໃນໄລຍະຜ່ານມາ ການພັດທະນາໄຟຟ້ານ້ຳຕົກສະແດງໃຫ້ເຫັນຫຼາຍບັນຫາທີ່ຂາດລັກສະນະໝັ້ນຄົງ, ແລະ ຄວາມບໍ່ເຖິງຖອງໃນການຄຸ້ມຄອງ, ກໍ່ສ້າງ ແລະ ເຄື່ອນໄຫວ, ເຮັດໃຫ້ຊີວິດການເປັນຢູ່ຂອງປະຊາຊົນຢູ່ເຂດຕັ້ງຖິ່ນຖານຄົງທີ່ຄືນໃໝ່ປະສົບກັບຄວາມຫຍຸ້ງຍາກຫຼາຍຢ່າງ. ທ່ານ ແຢງອູດ, ສສຊ ແຂວງກຽນຢາງ ສະເໜີວ່າ.
“ລັດຖະບານຄວນສືບຕໍ່ກວດການຄືນບັນດາໂຄງການເຂື່ອນໄຟຟ້ານ້ຳຕົກທີ່ຍັງເຫຼືອ ແລະ ໄຈ້ແຍກເຫດຜົນ, ໜ້າທີ່ຮັບຜິດຊອບຂອງອົງການຄຸ້ມຄອງທຸກຂັ້ນ ໃນການອະນຸຍາດໃຫ້ແກ່ການລົງທຶນ ກໍ່ໃຫ້ເກີດຫຼາຍບັນຫາ, ທຳລາຍຄວາມດູນດຽງດ້ານຊີວະພາບ, ສົ່ງຜົນສະທ້ອນເຖິງຊີວິດຂອງປະຊາຊົນ. ລັດຖະບານຕ້ອງປະກາດກົນໄກ, ນະໂຍບາຍພິເສດສະເພາະ ກ່ຽວກັບມາດຕະການແກ້ໄຂພາຍຫຼັງການສ້າງເຂດຕັ້ງຖິ່ນຖານຄົງທີ່ຄືນໃໝ່ ເພື່ອໃຫ້ປະຊາຊົນມີຊີວິດເປັນປົກກະຕິ. ສຳລັບສະພາແຫ່ງຊາດ, ສະພາແຫ່ງຊາດຄວນປະກາດມະຕິກ່ຽວກັບການວາງແຜນກຳນົດການລົງທຶນ, ກໍ່ສ້າງ, ເຄື່ອນໄຫວ, ຂຸດຄົ້ນບັນດາກິດຈະກຳເຂື່ອນໄຟຟ້ານ້ຳຕົກ”.
ຄາດວ່າ, ມະຕິສັງລວມກ່ຽວກັບເຂື່ອນໄຟຟ້ານ້ຳຕົກ ຈະໄດ້ຮັບການຮັບຮອງເອົາຈາກສະພາແຫ່ງຊາດໃນຊຸມມື້ຈະມາເຖິງ.
ແລະກໍ່ໃນຕອນບ່າຍວັນດຽກັນ, ບັນດາສສຊ ເຫັນດີກັບບາງເນື້ອໃນເຊິ່ງໄດ້ຮັບການປັບປຸງໃນມະຕິຂອງສະພາແຫ່ງຊາດ ກ່ຽວກັບແຜນນະໂຍບາຍລົງທຶນກໍ່ສ້າງເສັ້ນທາງໂຮ່ຈິມິນ.