(vovworld) - ກອງປະຊຸມສຳມະນາ “70 ປີແຫ່ງໂຄງຮ່າງວັດທະນະທຳຫວຽດນາມ” ໄດ້ໄຂຂຶ້ນໃນຕອນເຊົ້າວັນທີ 18 ກັນຍາ, ຢູ່ຮ່າໂນ້ຍ. ກ່າວຄຳເຫັນທີ່ກອງປະຊຸມສຳມະນາ, ທ່ານ ດິງເທ໋ຮີນ, ກຳມະການກົມການເມືອງ, ເລຂາສູນກາງພັກ, ຫົວໜ້າຄະນະໂຄສະນາສຶກສາສູນກາງ ຢືນຢັນວ່າ ໂຄງຮ່າງວັດທະນະທຳຫວຽດນາມ ແມ່ນເອກະສານທີ່ມີຄຸນຄ່າ ແລະ ມີຄວາມໝາຍປະຫວັດສາດຢ່າງເລິກເຊິ່ງສຳລັບພັກກອມມູນິດຫວຽດນາມ, ເຊິ່ງໄດ້ຮັບຖືວ່າແມ່ນ ຄຳຖະແຫຼງຂອງພັກ ກ່ຽວກັບພື້ນຖານວັດທະນະທຳແຫ່ງຊາດ, ວິທະຍາສາດ, ມະຫາຊົນ.
“70 ຜ່ານມາ, ໃນແຕ່ລະສະພາບ ແລະ ເງື່ອນໄຂລະອຽດໄດ້ມີການປ່ຽນແປງຫຼາຍຢ່າງ, ແຕ່ບັນດາເນື້ອໃນຕົ້ນຕໍ່ຂອງໂຄງຮ່າງວັດທະນະທຳຫວຽດນາມ ຍັງຄົງຮັກສາຄຸນຄ່າເດີມ. ສະເຫຼີມສະຫຼອງ 70 ປີແຫ່ງວັນສ້າງວັນສະເໜີໂຄງຮ່າງວັດທະນະທຳຫວຽດນາມ ປີ 1943 ແມ່ນໂອກາດເພື່ອໃຫ້ພວກເຮົາຢືນຢັນບັນດາຄຸນຄ່າ, ຂອງໂຄງຮ່າງນີ້ ແລະ ຮັບຮູ້ຄວາມຮັບຜິດຊອບຢ່າງຄົບຖ້ວນກວ່າ, ນຳໃຊ້ບັນດາແຜນນະໂຍບາຍທີ່ຖືກຕ້ອງ, ບົດຮຽນທີ່ລ້ຳຄ່າຂອງພັກເຮົາ ເຂົ້າໃນພາບລະກິດສ້າງສາ ແລະ ພັດທະນາພື້ນຖານວັດທະນະທຳຫວຽດນາມ ທີ່ກ້າວໜ້າ, ເຂັ້ມຂົ້ນໄປດ້ວຍສີສັນຊາດໃນໄລຍະປະຈຸບັນ”.
ທີ່ກອງປະຊຸມສຳມະນາ, ບັນດາຜູ້ແທນລ້ວນແຕ່ຢືນຢັນວ່າເລື່ອງສ້າງໂຄງຮ່າງວັດທະນະທຳປີ 1943 ໄດ້ສະແດງໃຫ້ເຫັນວິໄສທັດທີ່ກວ້າງໄກຂອງພັກ ກ່ຽວກັບບົດບາດ, ທີ່ຕັ້ງ ແລະ ຄວາມສຳຄັນຂອງວັດທະນະທຳໃນພາລະກິດປະຕິວັດຂອງຊາດ. ພ້ອມກັນນັ້ນ, ບັນດາຜູ້ແທນກໍ່ຕີລາຄາຄວາມສຳຄັນຂອງໂຄງຮ່າງວັດທະນະທຳປີ 1943 ທີ່ມີຕໍ່ການປະຕິບັດມະຕິສູນກາງຄັ້ງທີ 5, ຊຸດທີ 8 ກ່ຽວກັບວັດທະນະທຳ. ຈາກນັ້ນ, ຈະສະເໜີ, ເພີ່ມເຕີມ, ປັບປຸງທັດສະນະຊີ້ນຳ, ໜ້າທີ່, ມາດຕະການແກ້ໄຂ ສືບຕໍ່ສ້າງພື້ນຖານວັດທະນະທຳຫວຽດນາມ ທີ່ກ້າວໜ້າ,
ເຂັ້ມຂົ້ນໄປດ້ວຍສີສັນຊາດໃນໄລຍະຈະມາເຖິງ.