(vovworld) – ກອງປະຊຸມສຳມະນາ “ການພົວພັນຫວຽດນາມ-ມຽນມາ:ຫວນຄືນຫຼັງແລະໃນຕໍ່ໜ້າ” ຖືກຈັດຕັ້ງໃນຕອນເຊົ້າວັນທີ 8/12, ຢູ່ຮ່າໂນ້ຍ ໂດຍສະຖາບັນຄົ້ນຄ້ວາອາຊີຕາເວັນອອກສ່ຽງໃຕ້ ຂຶ້ນກັບສະຖາບັນດີບວິທະຍາສາດສັງຄົມຫວຽດນາມ ສົມທົບກັບສະຖາບັນຄົ້ນຄ້ວາຍຸດທະສາດ ແລະ ສາກົນຂອງກະຊວງການຕ່າງປະເທດ ມຽນມາ ສົມທົບກັນຈັດຕັ້ງ. ບັນດາຜູ້ແທນຖືວ່າ: ປະຈຸບັນ, ພາລະກິດປ່ຽນໃໝ່ຂອງຫວຽດນາມ ແລະ “ວິວັດການຫັນເປັນປະຊາທິປະໄຕ 7 ບາດກ້າວ” ຂອງມຽນມາ ພວມສືບຕໍ່ໄດ້ຮັບການຍູ້ແຮງ ແລະ ໄດ້ຮັບຫຼາຍຜົນງານເປັນໜ້າສົ່ງເສີມ, ໄດ້ຮັບການຮັບຮູ້ ແລະ ຕີລາຄາສູງຈາກປະຊາຄົມໂລກ. ວິວັດການນີ້ບໍ່ພຽງແຕ່ສ້າງເງື່ອນໄຂອຳນວຍຄວາມສະດວກກ່ວາ ໃນການຊຸກຍູ້ການພົວພັນຮ່ວມມືລະຫວ່າງ 2 ປະເທດໃຫ້ຂຶ້ນສູ່ລະດັບສູງໃໝ່ເທົ່ານັ້ນ ຫາກຍັງປະກອບສ່ວນສຳຄັນເຂົ້າໃນການປັບປຸງຄວາມສະຫງົບ, ການຮ່ວມມືຂອງພາກພື້ນໃນບັນດາທົດສະວັດຈະມາເຖິງອີກດ້ວຍ. ໃນສະພາບການໃໝ່ປະຈຸບັນ, ເມື່ອປະຕິຮູບ, ເປີດປະຕູ ແລະ ເຊື່ອມໂຍງເຂົ້າກັບສາກົນ ກໍ່ຄືຮັກສາສີສັນ, ອະທິປະໄຕແຫ່ງຊາດ - ຊົນຊາດ ຂອງ 2 ປະເທດພວມຮັບຄວາມດັນຂອງໂລກາພິວັດ, ຄວາມແກ່ງແຍ້ງດ້ານການເມືອງເພີ່ມຂຶ້ນ, ພິເສດແມ່ນຈາກບັນດາປະເທດໃຫຍ່ ດັ່ງນັ້ນຄວາມຕ້ອງການຮ່ວມມືລະຫວ່າງ 2 ປະເທດຕ້ອງໄດ້ຮັບການຊຸກຍູ້. ສິ່ງດັ່ງກ່າວຮຽກຮ້ອງໃຫ້ 2 ປະເທດຕ້ອງປ່ຽນໃໝ່ຄວາມຮັບຮູ້ກ່ວາອີກ ແລະ ມີການກະທຳຍຸດທະສາດທັນກັນ, ນຳການພົວພັນ 2 ປະເທດກ້າວເຂົ້າສູ່ລວງເລິກ ແລະ ແທດຈິງກ່ວາ. 2 ປະເທດຄວນເພີ່ມທະວີການຮ່ວມມືກ່ວາອີກ, ສົມທົບເຊິ່ງກັນ ແລະ ກັນໃນບັນດາການຮ່ວມມື ອາຊຽນ, ໃນນັ້ນມີການເປີດກ້ວາງ ແລະ ຮັກສາສັນຕິພາບຢູ່ທະເລຕາເວັນອອກກໍ່ຄືເຂດທະເລ Andaman ຂອງມຽນມາ ຢູ່ ມະຫາສະໝຸດ ອິນເດຍ.