( vovworld ) – ຕອນບ່າຍວັນທີ 4/6, ສະມາຄົມອາຊີ ໄດ້ຈັດກອງປະຊຸມສຳມະນາກ່ຽວກັບທະເລຕາເວັນອອກຢູ່ນີວຢອກ- ປະເທດອາເມລິກາ ດ້ວຍຫົວຂໍ້ວ່າ: “ບັນດາເສັ້ນທາງທະເລ ແລະ ຖະແຫຼງການອະທິປະໄຕ“. ທີ່ກອງປະຊຸມສຳມະນາ, ບັນດາຜູ້ແທນທີ່ເຂົ້າຮ່ວມລ້ວນແຕ່ເນັ້ນໜັກວ່າ: ການແກ່ງແຍ້ງໃນການອອກຖະແຫຼງການອະທິປະໄຕ ແລະ ພະລັງງານໄດ້ ແລະ ພວມກາຍເປັນສາຍເຫດທີ່ກໍ່ຄວາມເຄັ່ງຕຶງລະຫວ່າງປະເທດຕ່າງໆ, ນາບຂູ່ການເດີນທະເລຂອງເຮືອ, ກຳປັ່ນຂອງປະເທດຕ່າງໆໄປຜ່ານສາຍທາງທະເລຕາເວັນອອກ. ບັນດາຜູ້ແທນກໍຖືວ່າ, ປະເທດຕ່າງໆຖະແຫຼງອະທິປະໄຕທະເລຕາເວັນອອກຄວນປະຕິບັດສົນທິສັນຍາສະຫະປະຊາຊາດກ່ຽວກັບກົດໝາຍທະເລປີ 1982 ແລະ ຖະແຫຼງການກ່ຽວກັບການປະພຶດຕໍ່ຂອງຝ່າຍຕ່າງໆຢູ່ທະເລຕາເວັນອອກເມື່ອເດືອນ 11/2002, ບົນພື້ນຖານນັ້ນ ດຳເນີນການເຈລະຈາຄັ້ງຕ່າງໆ ເພື່ອແນໃສ່ແກ້ໄຂການພິພາດອະທິປະໄຕໃນທະເລຕາເວັນອອກໂດຍສັນຕິວິທີ ແລະ ຕ່າງຝ່າຍຕ່າງມີຜົນປະໂຫຍດ. ຄຽງຄູ່ກັນນັ້ນ, ອາເມລິກາ ຕ້ອງສືບຕໍ່ສວມບົດບາດປົກປ້ອງບັນດາສິດໃນການເດີນທະເລບົນທະເລຕາເວັນອອກ ແລະ ປະຕິບັດຄຳໝັ້ນສັນຍາຮັກສາພື້ນຖານສັນຕິພາບ ແລະ ສະຖຽນລະພາບໃນພາກພື້ນ.
ສະມາຄົມອາຊີ ໂດຍທ່ານ John Davison Rockefeller III ສ້າງຕັ້ງຂຶ້ນເມື່ອປີ 1956 ຊື່ງແມ່ນອົງການຈັດຕັ້ງບໍ່ຫວັງຜົນປະໂຫຍດ, ມີໜ້າທີ່ເຜີຍແຜ່ບັນດາບັນຫາກ່ຽວຂ້ອງເຖິງອາຊີໃນທົ່ວໂລກ. ປະຈຸບັນ, ສະມາຄົມມີສູນຢູ່ລັດຈຳນວນ 1 ຂອງອາເມລິກາ, ຢູ່ຈີນ, ຟີລິບປິນ, ອິນເດຍ, ອົດສະຕາລີ…. ແລະ ສຳນັກງານຕົ້ນຕໍແມ່ນຕັ້ງຢູ່ນະຄອນນີວຢອກ.