ກອງປະຊຸມສຳມະນາ ກ່ຽວກັບສິ່ງທ້າທາຍ ສຳລັບວິສາຫະກິດ ຫວຽດນາມຢູ່ລັດເຊຍ
ບັນດາຜູ້ແທນເຂົ້າຮ່ວມກອງປະຊຸມສຳມະນາ
(ພາບ: vov)
(vovworld)- ວັນທີ 21/12 ຢູ່ນະຄອນຫຼວງມົດສະກູ, ປະເທດລັດເຊຍ, ສະຫະສະມາຄົມບັນດານັກທຸລະກິດຫວຽດນາມ ຢູ່ສະຫະພັນລັດເຊຍ ໄດ້ຈັດກອງປະຊຸມສຳມະນາດ້ວຍຫົວຂໍ້ “ວິກິດການຢູແກຼນ, ຄຳສັ່ງຂວ້ຳບາດເສດຖະກິດລັດເຊຍ, ສະກຸນເງິນຣຸບອ່ອນຕົວລົງ-ສິ່ງທ້າທາຍ ແລະ ມາດຕະການສຳລັບບັນດາວິສາຫະກິດຫວຽດນາມ ຢູ່ສະຫະພັນລັດເຊຍ“. ກ່າວຄຳເຫັນນະທີ່ນີ້, ທ່ານຫງວຽນແທງເຊີນ, ເອກອັກຄະລັດຖະທູດຫວຽດນາມ ປະຈຳສະຫະພັນລັດເຊຍ ໄດ້ຊົມເຊີຍສະຫະສະມາຄົມບັນດາວິສາຫະກິດຫວຽດນາມ ຢູ່ສະຫະພັນລັດເຊຍ ທີ່ໄດ້ຈັດກອງປະຊຸມສຳມະນາທີ່ມີຄວາມໝາຍໃນສະພາບການປະຈຸບັນ ແລະ ສະແດງຄວາມປາດຖະໜາວ່າ, ບັນດາວິສາຫະກິດຫວຽດນາມ ຢູ່ສະຫະພັນລັດເຊຍ ຕ້ອງເພີ່ມທະວີການຮ່ວມສຳພັນ, ຊ່ວຍເຫຼືອຊື່ງກັນ ແລະ ກັນໃນຄວາມສາມາດຂອງຕົນເພື່ອຜ່ານຜ່າໄລຍະຫຍຸ້ງຍາກນີ້. ທ່ານເອກອັກຄະລັດຖະທູດ ຫງວຽນແທງເຊີນ ກໍ່ໄດ້ແຈ້ງໃຫ້ຊາບຂ່າວກ່ຽວກັບເລື່ອງບັນດາອົງການມີໜ້າທີ່ຮັບຜິດຊອບລັດເຊຍ ໄດ້ເອົາໃຈໃສ່ສ້າງເງື່ອນໄຂອຳນວຍຄວາມສະດວກໃຫ້ແກ່ປະຊາຄົມຊາວຫວຽດນາມ ອາໄສຢູ່ທີ່ນີ້./.