(ພາບ:baonghean)
(vovworld)- ກອງປະຊຸມສຳມະນາກ່ຽວກັບສິດທິມະນຸດ ແລະ ສື່ມວນຊົນໄດ້ຈັດຂຶ້ນໃນຕອນເຊົ້າວັນທີ 24/10 ຢູ່ແຂວງເງະອານ ເພື່ອປຶກສາຫາລືບັນດາເນື້ອໃນຄື: ກົດໝາຍຫວຽດນາມ ກ່ຽວກັບສິດເສລີພາບສື່ມວນຊົນ, ເສລີພາບສື່ມວນຊົນ ແລະ ສິດໄດ້ຮັບຂ່າວຂອງ ປຊຊ, ບົດບາດຂອງສື່ມວນຊົນໃນການປະຕິບັດສິດສຳພັດກັບຂໍ້ມູນຂ່າວສານຂອງ ປຊຊ. ຖະແຫຼງຂ່າວ ແລະ ການລະເມີດຖະແຫຼງຂ່າວ, ສິດທະມະນຸດ ແລະ ເສລີພາບສື່ມວນຊົນໃນໄລຍະເຊື່ອມໂຍງ ແລະ ສື່ມວນຊົນກັບການປົກປ້ອງຜົນປະໂຫຍດຂອງຊາວກະສິກອນ…ບັນດາບົດປະກອບຄຳເຫັນ, ຄຳເຫັນຕ່າງໆໄດ້ຢືນຢັນບັນດາອົງການສື່ມວນຊົນຫວຽດນາມ ພວມພັດທະນາຢ່າງໄວວາ ແລະ ເສີມຂະຫຍາຍບົດບາດສົ່ງຂໍ້ມູນຂ່າວກ່ຽວກັບທຸກດ້ານໃນຊີວິດສັງຄົມເຖິງ ປຊຊ ເປັນຢ່າງດີ, ຄົ້ນພົບ, ຕຳນິບັນດາດ້ານຫຍໍ້ທໍ້ໃນຊີວິດສັງຄົມ. ອົງການຈັດຕັ້ງກອງປະຊຸມສຳມະນາປາດຖະໜາວ່າ, ຜ່ານກອງປະຊຸມສຳມະນາຈະໄດ້ຮັບບົດຂຽນຕ່າງໆຂອງບັນດານັກຮຽນຮູ້, ນັກຄົ້ນຄ້ວາ, ຄູສອນ ແລະ ຜູ້ເຮັດວຽກໃນຂົງເຂດສື່ມວນຊົນຢູ່ສູນກາງ ແລະ ທ້ອງຖິ່ນ ເພື່ອແນໃສ່ຊຸກຍູ້ຄວາມຮູ້ຄວາມເຂົ້າໃຈກ່ຽວກັບສິດທິມະນຸດ ແລະ ບັນດາກົນໄກເພື່ອປົກປ້ອງມະນຸດ.