( vovworld ) - ວັນທີ 31/7, ຢູ່ຮ່າໂນ້ຍ, ສະຫະພັນໃຫຍ່ແຮງງານຫວຽດນາມ ໄດ້ຈັດກອງປະຊຸມສຳມະນາທີ່ມີຫົວຂໍ້ວ່າ “ຂໍ້ກຳນົດກ່ຽວກັບກຳມະບານຫວຽດນາມ ໃນລັດຖະທຳມະນູນປີ 1992 - ສະພາບຕົວຈິງ ແລະ ຂໍ້ສະເໜີປັບປຸງໃຫ້ສົມບູຍນແບບ”. ທ່ານຮອງປະທານສະຫະພັນໃຫຍ່ແຮງງານຫວຽດນາມ Hoang Ngoc Thanh ໄດ້ເນັ້ນໜັກວ່າ; ການປັບປຸງ, ເພີ່ມເຕີມບັນດາຂໍ້ກຳນົດກ່ຽວກັບກຳມະບານຫວຽດນາມ ໃນລັດຖະທຳມະນູນແມ່ນບັນຫາທີ່ສຳຄັນ. ນັ້ນແມ່ນຫຼັກຖານ, ສ້າງເງື່ອນໄຂດ້ານນິຕິກຳໃຫ້ແກ່ອົງການ ແລະ ການເຄື່ອນໄຫວກຳມະບານ. ສະຫະພັນໃຫຍ່ແຮງງານຫວຽດນາມ ຫວັງວ່າ ກອງປະຊຸມສຳມະນາຄັ້ງນີ້ຈະຮັບເອົາຄວາມຄິດຄວາມເຫັນຫຼາຍຢ່າງຈາກບັນດານັກວິທະຍາສາດ, ຜູ້ຕາງໜ້າກຳມະບານແຂວງ, ນະຄອນ, ກຳມະບານຂະແໜງ ເພື່ອມີພື້ນຖານດ້ານທິດສະດີ ແລະ ພຶດຕິກຳຕົວຈິງເຂົ້າຮ່ວມ ພ້ອມກັບຄະນະກຳມະການຮຽບຮຽງປັບປຸງລັດຖະທຳມະນູນ ບັນດາເນື້ອໃນຕ້ອງປັບປຸງ, ເພີ່ມເຕີມຂໍ້ກຳກົດຕ່າງໆກ່ຽວກັບກຳມະບານຫວຽດນາມ ໃນລັດຖະທຳມະນູນໃຫ້ແທດເໝາະກັບສະພາບການພັດທະນາເສດຖະກິດ - ສັງຄົມຂອງປະເທດຊາດ ແລະ ຄວາມຮຽກຮ້ອງຕ້ອງການໃນການສ້າງ ແລະ ພັດທະນາຊົນຊັ້ນກຳມະກອນໃນໄລຍະໃໝ່.