ກອງປະຊຸມສຳມະນາ “ຄວາມໝັ້ນຄົງໃນການເດີນທະເລຢູ່ອາຊຽນ“
ບັນດາປູ້ແທນເຂົ້າຮ່ວມກອງປະຊຸມສຳມະນາ
(ພາບ:.tuoitre.vn)
( vovworld ) – ຕອນບ່າຍວັນທີ 30/8, ຢູ່ນະຄອນຫຼວງຈັກກາຕາ ປະເທດອິນໂດເນເຊຍ, ໄດ້ຈັດກອງປະຊຸມສຳມະນາສາກົນດ້ວຍຫົວຂໍ້ “ຄວາມໝັ້ນຄົງໃນການເດີນທະເລຢູ່ອາຊີຕາເວັນອອກສ່ຽງໃຕ້“ ໂດຍເວທີປາໄສປາຊິຟິກ, ຂຶ້ນກັບສູນຍຸດທະສາດ ແລະ ຄົ້ນຄ້ວາສາກົນ ສົມທົບກັບສູນ Habibie ຂອງອິນໂດເນເຊຍ ຈັດຕັ້ງຂຶ້ນ. ກ່າວຄຳເຫັນໄຂກອງປະຊຸມສຳມະນາ, ທ່ານນາງ Ima Abdulrahim, ຜູ້ອຳນວຍການບໍລິຫານສູນ Habibie ເນັ້ນໜັກວ່າ: ກອງປະຊຸມສຳມະນາດັ່ງກ່າວແມ່ນເວທີປາໄສເພື່ອໃຫ້ບັນດາຜູ້ຊ່ຽວຊານໃນຂົງເຂດປ້ອງກັນຄວາມສະຫງົບທາງທະເລໃນພາກພື້ນ ແລະ ສາກົນ ສາມາດແລກປ່ຽນ ແລະ ປຶກສາຫາລືຢ່າງເປີດກ່ຽວກັບບັນຫາການປ້ອງກັນຄວາມສະຫງົບໃນການເດີນທະເລຢູ່ອາຊີຕາເວັນອອກສ່ຽງໃຕ້. ທີ່ກອງປະຊຸມສຳມະນາ, ບັນດາຜູ້ແທນໄດ້ສຸມໃສ່ແລກປ່ຽນບັນດາບັນຫາແບ່ງປັນຂໍ້ມູນຂ່າວສານ ແລະ ຍົກສູງສະຕິຄວາມຮັບຮູ້ໃນການເດີນທະເລ, ຄວາມສະຫງົບປອດໄພໃນການເດີນທະເລ ແລະ ບັນດາບັນຫາສິ່ງແວດລ້ອມທະເລ….ກອງປະຊຸມສຳມະນາໄດ້ເຫັນດີວ່າ: ເພື່ອຮັບປະກັນຄວາມສະຫງົບປອດໄພໃນການເດີນທະເລ, ຮຽກຮ້ອງໃຫ້ອີງຕາມບັນດາພື້ນຖານດ້ານກົດໝາຍຊື່ງໄດ້ຮັບການຮັບຮູ້ຈາກສາກົນ, ໂດຍສະເພາະແມ່ນສົນທິສັນຍາກ່ຽວກັບກົດໝາຍວ່າດ້ວຍທະເລປີ 1982 ຂອງ ສປຊ, ຖະແຫຼງການກ່ຽວກັບການປະພຶດຂອງຝ່າຍຕ່າງໆຢູ່ທະເລຕາເວັນອອກ, ຮ່ວມມືເພີ່ມທະວີການສ້າງ ແລະ ປັບປຸງຄວາມໄວ້ເນື້ອເຊື່ອໃຈລະຫວ່າງບັນດາປະເທດພາຍໃນ ແລະ ນອກພາກພື້ນ.