ກອງປະຊຸມສຳມະນາ ສາກົນ “ຮ່ວມມືດ້ານ ເສດຖະກິດອາຊຽນ - ສ.ເກົາຫຼີ”
ກອງປະຊຸມສຳມະນາສາກົນ “ຮ່ວມມືດ້ານເສດຖະກິດອາຊຽນ - ສ.ເກົາຫຼີ”
(vovworld) - ກອງປະຊຸມສຳມະນາສາກົນດ້ວຍຫົວຂໍ້ວ່າ “ຮ່ວມມືດ້ານເສດຖະກິດອາຊຽນ - ສ.ເກົາຫຼີ” ດ້ວຍການເຂົ້າຮ່ວມຂອງບາງໂຮງຮຽນສະມາຊິກທີ່ຂຶ້ນກັບມະຫາວິທະຍາໄລ ທ໋າຍງວຽນ ແລະ ບາງມະຫາວິທະຍາໄລມາຈາກສ.ເກົາຫຼີ ໄດ້ດຳເນີນໃນວັນທີ 23/12, ຢູ່ແຂວງທ໋າຍງວຽນ. ທີ່ກອງປະຊຸມສຳມະນາ, ບັນດາຜູ້ແທນໄດ້ຕີລາຄາສູງຄວາມສຳຄັນຂອງການພົວພັນຮ່ວມມືດ້ານເສດຖະກິດລະຫວ່າງແຂວງທ໋າຍງວຽນ ແລະ ບັນດານັກລົງທຶນທີ່ມາຈາກສ.ເກົາຫຼີ ໃນໄລຍະຜ່ານມາ, ພິເສດແມ່ນໂຄງການລົງທຶນຂອງກຸ່ມບໍລິສັດ ຊາມຊູງ ສ.ເກົາຫຼີ ຢູ່ແຂວງທ໋າຍງວຽນ ຈະແມ່ນປັດໃຈຕົ້ນຕໍ່ເພື່ອໃຫ້ບັນດາວິສາຫະກິດສ.ເກົາຫຼີ ສືບຕໍ່ເຊື່ອໝັ້ນ ແລະ ລົງທຶນເຂົ້າແຂວງທ໋າຍງວຽນ ບໍ່ພຽງແຕ່ໃນຂົງເຂດອຸດສາຫະກຳເທົ່ານັ້ນ ຫາກຍັງໃນຫຼາຍຂົງເຂດປາຍແຫຼມອື່ນໆອີກດ້ວຍ. ກອງປະຊຸມສຳມະນາໄດ້ຮັບການຈັດຕັ້ງເພື່ອແນໃສ່ສ້າງເວທີປາໄສແລກປ່ຽນຮໍ່າຮຽນເຊິ່ງກັນ ແລະ ກັນລະຫວ່າງນັກຮຽນຮູ້ທີ່ມີຊື່ສຽງຢູ່ພາຍໃນ ແລະ ສາກົນ ກ່ຽວກັບບັນຫາຮ່ວມມືດ້ານເສດຖະກິດລະຫວ່າງ ສ.ເກົາຫຼີ - ອາຊຽນ. ຜ່ານນັ້ນ, ບັນດາຜູ້ແທນຈະຍົກອອກທິດທາງ ຊຸກຍູ້ການພົວພັນຮ່ວມມືດ້ານເສດຖະກິດລະຫວ່າງສ.ເກົາຫຼີ ແລະ ບັນດາປະເທດອາຊຽນ ເວົ້າລວມ ແລະ ຫວຽດນາມ ກໍ່ຄືແຂວງທ໋າຍງວຽນ ເວົ້າສະເພາະໃນຊຸມປີຈະມາເຖິງ, ນຳການພົວພັນຮ່ວມມືລະຫວ່າງ 2 ປະເທດໃຫ້ນັບມື້ນັບພັດທະນາຢ່າງມີປະສິດທິຜົນ, ເໝາະສົມກັບຜົນປະໂຫຍດຂອງແຕ່ລະຝ່າຍ.