ບັນດາຜູ້ແທນເຂົ້າຮ່ວມກອງປະຊຸມສຳມະນາ
|
(vovworld) – ກອງປະຊຸມສຳມະນາ “65ປີແຫ່ງວັນສ້າງຕັ້ງການພົວພັນທາງການທູດລັດເຊຍ-ຫວຽດນາມ” ຖືກຈັດຂຶ້ນໃນວັນທີ 28/1, ຢູ່ມົດສກູ. ກ່າວຄຳເຫັນທີ່ກອງປະຊຸມສຳມະນາ, ທ່ານປະທານສະມາຄົມມິດຕະພາບ ລັດເຊຍ - ຫວຽດນາມ Vladimir Buianov ໄດ້ທົບທວນຄືນປະຫວັດສາດ, ຄວາມໝາຍຂອງເລື່ອງ 2 ລັດຖະບານສ້າງຕັ້ງການພົວພັນທາງການທູດເມື່ອວັນທີ 30/1/1950, ຊີ້ແຈ້ງບັນດາຜົນງານສຳຄັນໃນການພົວພັນລະຫວ່າງ 2 ປະເທດ ແລະ ບັນດາການເຄື່ອນໄຫວເຊິ່ງສະມາຄົມຈະປະຕິບັດໃນປີ 2015 ເພື່ອສະເຫຼີມສະຫຼອງບັນດາວັນບຸນໃຫຍ່ຂອງທັງ ຫວຽດນາມ ແລະ ສະຫະພັນ ລັດເຊຍ.
ທ່ານອັກຄະລັດຖະທູດຫວຽດນາມ ປະຈຳ ລັດເຊຍ ຫງວຽນຮູ່ງ ໄດ້ທົບທວນຄືນບັນດາຜົນງານຮ່ວມມືລະຫວ່າງ 2 ປະເທດກ່ອນນີ້ ແລະ ປະຈຸບັນ ແລະ ໄດ້ຊີ້ແຈ້ງຄວາມສຳຄັນຂອງການພົວພັນຄູ່ຮ່ວມມືຍຸດທະສາດຮອບດ້ານເຊິ່ງທັງ 2 ປະເທດສ້າງຕັ້ງເມື່ອປີ 2012 ແລະ ບັນດາແງ່ຫວັງຮ່ວມມືໃນທຸກໆຂົງເຂດໃນໄລຍະຈະມາເຖິງ. ບັນດານັກວິທະຍາສາດ ລັດເຊຍ ເຂົ້າຮ່ວມກອງປະຊຸມສຳມະນາກໍ່ມີບົດກ່າວຄຳເຫັນຢັ້ງຢືນການພົວພັນທີ່ເປັນມູນເຊື້ອອັນດີງາມລະຫວ່າງ ລັດເຊຍ ແລະ ຫວຽດນາມ ຈະໄດ້ຮັບການເພີ່ມພູນຄຸນສ້າງຕະຫຼອດໄປ.