ກອງປະຊຸມສຳມະນາຈັດຂຶ້ນຢູ່ ອິນໂດເນເຊຍ
(ພາບ: Đỗ Quyên-Trần Chiến/Vietnam+)
(vovworld) – ກອງປະຊຸມສຳມະນາການພົວພັນອີຢູ ແລະ ອາຊຽນ ມຸ່ງໄປເຖິງຄູ່ຮ່ວມມືຍຸດທະສາດ ຖືກຈັດຕັ້ງໃນຕອນບ່າຍວັນທີ 26/4, ຢູ່ ອິນໂດເນເຊຍ ດ້ວຍການເຂົ້າຮ່ວມຂອງເອກອັກຄະລັດຖະທູດບາງທ່ານ, ບັນດານັກຊ່ຽວຊານ ແລະ ນັກຮຽນຮູ້. ກອງປະຊຸມສຳມະນາໄດ້ສຸມໃສ່ ແລະ ຕີລາຄາກ່ຽວກັບວິວັດທະນາການພັດທະນາການພົວພັນລະຫວ່າງສະຫະພາບ ເອີລົບ (ອີຢູ) ແລະ ອາຊຽນ, ພິເສດແມ່ນບັນດາສິ່ງທ້າທາຍທີ່ 2 ຝ່າຍຕ້ອງປະເຊີນໜ້າໃນໄລຍະຈະມາເຖິງ, ບັນດາຂົງເຂດຮ່ວມມືທ່ີມີຄວາມສາມາດບົ່ມຊ້ອນລະຫວ່າງ ອາຊຽນ - ອີຢູ. ທ່ານ Francisco Fontan Pardo, ເອກອັກຄະລັດຖະທູດ ອີຢູ ປະຈຳ ອາຊຽນ ຍອມຮັບວ່າ: ໄລຍະຜ່ານມາ, ອີຢູ ແລະ ອາຊຽນ ໄດ້ຮ່ວມມືຢ່າງມີປະສິດທິຜົນໃນຫຼາຍຂົງເຂດຄື: ການເມືອງ, ເສດຖະກິດ, ການຄ້າ ແລະ ການລົງທຶນ… ອີຢູ ກໍ່ມີບາງລາຍການເພື່ອແນໃສ່ຊ່ວຍບັນດາປະເທດ ອາຊຽນ ຮັບມືກັບບັນດາສິ່ງທ້າທາຍຈາກອາດຊະຍາກຳບໍ່ ເຄີຍມີມາກ່ອນ, ການປ່ຽນແປງຂອງດິນຟ້າອາກາດ, ຮັບມືກັບໄພພິບັດທຳມະຊາດ, ສິ່ງແວດລ້ອມ. ອີຢູ ແມ່ນຄູ່ຮ່ວມມືການຄ້າໃຫຍ່ຂອງ ອາຊຽນ, ດ້ວຍວົງເງິນແລກປ່ຽນສິນຄ້າ ແລະ ບໍລິການລະຫວ່າງ 2 ຝ່າຍບັນລຸປະມານ 240 ຕື້USD.