(vovworld) - ຕອນເຊົ້າວັນທີ 7/8, ຢູ່ຮ່າໂນ້ຍ, ກຳມາທິການວິທະຍາສາດ, ເຕັກໂນໂລຊີ ແລະ ສິງແວດລ້ອມຂອງສະພາແຫ່ງຊາດຫວຽດນາມ ແລະ ອົງການສະຫະປະຊາຊາດເພື່ອການພັດທະນາປະຈຳຫວຽດນາມ ໄດ້ສົມທັບກັນຈັດຕັ້ງກອງປະຊຸມສຳມະນາກ່ຽວກັບ ຮ່າງກົດໝາຍວ່າດ້ວຍການປ້ອງກັນ, ຫຼີກລ້ຽງ ແລະ ຫຼຸດຜ່ອນໄພທຳມະຊາດ. ທີ່ກອງປະຊຸມສຳມະນາ, ບັນດາຜູ້ແທນລ້ວນແຕ່ຢືນຢັນວ່າ: ກົດໝາຍວ່າດ້ວຍການປ້ອງກັນ, ຕ້ານໄພທຳມະຊາດ ແມ່ນເຄື່ອງມືດ້ານນິຕິທຳທີ່ສຳຄັນໃນວຽກງານປ້ອງກັນ ແລະ ຕ້ານໄພທຳມະຊາດ. ທ່ານນາງ Tessa Kelly, ຜູ້ປະສານງານໂຄງການກົດໝາຍວ່າດ້ວຍໄພພິບັດອາຊີ - ປາຊີຟິກ ໄດ້ເນັ້ນໜັກວ່າ.
“ກົດໝາຍດັ່ງກ່າວມີບັນດາຂໍ້ກຳນົດທີ່ກ້າວໜ້າ ຊ່ວຍໃຫ້ຫວຽດນາມ ມີບັນດາການເຄື່ອນໄຫວກ່ຽວກັບການຄຸ້ມຄອງ, ປ້ອງກັນ ແລະຫຼີກລ້ຽງຄວາມສ່ຽງໄພທຳມະຊາດ. ແຕ່ຕ້ອງມີການເພີ່ມເຕີ່ມຕື່ມອີກຄື ມີໂຄງການສະເພາະກຳນົດກ່ຽວກັບການຮ່ວມມືສາກົນ ກໍຄືຮັບການໜູນຊ່ວຍຈາກສາກົນເພື່ອຮັບມືກັບໄພທຳມະຊາດ. ພວກເຮົາກໍຕ້ອງກຳນົດຢ່າງລະອຽດກວ່າຄື ສຳພັດກັບບ້ວງເງິນຊ່ວຍເຫຼືອຄືແນວໃດ, ກຳນົດວຽການປະສານງານ, ເຊື່ອມຕໍ່ ແລະ ແຈກຢາຍແຫຼ່ງທຶນຊ່ວຍເຫຼືອນັ້ນ”.