(vovworld) - ຢູ່ສະຖາບັນຕາເວັນອອກໄກ ສັງກັດສະພາມະຫາບັນດິດວິທະຍາສາດລັດເຊຍ (RAN), ຫາກໍ່ຈັດກອງປະຊຸມສຳມະນາດ້ວຍຫົວຂໍ້ວ່າ “ສ້າງຕັ້ງເຂດການຄ້າເສລີລະຫວ່າງສະຫະພັນເສດຖະກິດອາຊີ - ເອີລົບ (EAEU) ແລະ ຫວຽດນາມ”. ນີ້ແມ່ນກອງປະຊຸມສຳມະນາຄັ້ງທຳອິດຖືກດຳເນິນໄປຢູ່ລັດເຊຍ, ພາຍຫຼັງສັນຍາການຄ້າເສລີ (FTA) ລະຫວ່າງ EAEU ກັບຫວຽດນາມ ໄດ້ຮັບການລົງນາມຢ່າງເປັນທາງການໃນວັນທີ 29/05 ຜ່ານມາ. ກອງປະຊຸມໄດ້ດຶງດູດຄວາມເອົາໃຈໃສ່ຂອງບັນດານັກຊ່ຽວຊານກະຊວງພັດທະນາເສດຖະກິດລັດເຊຍ, ຄະນະກຳມາທິການເສດຖະກິດອາຊີ-ເອີລົບ, ອົງການຕ່າງໜ້າດ້ານການຄ້າຂອງຫວຽດນາມ ປະຈຳສະຫະພັນລັດເຊຍ…. ດ້ວຍ 11 ບົດທາບທາມຄວາມເຫັນ, ບັນດານັກປະຖະກະຖາໄດ້ເຕື້ອງເຖິງແງ່ມູມເຕັກນິກຂອງ FTA ລະຫວ່າງ EAEU ກັບຫວຽດນາມ ເຊິ່ງລວມມີ: ເນື້ອໃນພື້ນຖານ, ວິວັດທະນາການຫຼຸດຜ່ອນພາສີອາກອນ; ບັນດາຂອບເຂດນິຕິກຳຂອງສັນຍາ; ບັນດາຜົນປະໂຫຍດດ້ານເສດຖະກິດ ກໍ່ຄືຄວາມໝາຍດ້ານການເມືອງ ແລະ ນະໂຍບາຍເຊິ່ງ FTA ນຳມາໃຫ້.