ກອງປະຊຸມສຳມະນາກ່ຽວກັບການພັດທະນາລາວ-ກຳປູເຈຍ-ຫວຽດນາມແບບຍືນຍົງ
(vovworld)- ກອງປະຊຸມສຳມະນາດັ່ງກ່າວໄດ້ດຳເນີນໄປໃນວັນທີ 28/10 ຢູ່ເທດສະບານ ທາ່ແຂກ ແຂວງ ຄຳມ່ວນ. ທີ່ກອງປະຊຸມສຳມະນາ ມີບົດປະກອບຄຳເຫັນ 14 ບົດຂອງບັນດານັກວິທະຍາສາດ ສາມປະເທດ ລາວ, ກຳປຸູເຈຍ ແລະ ຫວຽດນາມ ໂດຍສຸມໃສ່ປືກສາຫາລືບົດບາດຂອງວິທະຍາສາດສັງຄົມສຳລັບການພັດທະນາແບບຍືນຍົງ, ການເຕີບໂຕເສດຖະກິດກໍຄືການພັດທະນາຂອງເສດຖະກິດສັງຄົມຕິດພັນກັບການອະນຸລັກຮັກສາສິ່ງແວດລ້ອມ ແລະ ບົດບາດຂອງວັດທະນະທຳສຳລັບການພັດທະນາແບບຍືນຍົງຢູ່ 3 ປະເທດ. ບັນດາບົດປະກອບຄຳເຫັນລ້ວນແຕ່ເນັ້ນຫນັກວ່າ: ຢາກພັດທະນາເສດຖະກິດຢ່າງວ່ອງໄວ ຕ້ອງຮັບປະກັນລັກສະນະຍືນຍົງ, ເພີ່ມຈຳນວນແຕ່ຕ້ອງຍົກສູງຄຸນນະພາບ, ຖືການຮັກສາສິ່ງແວດລ້ອມເປັນສຳຄັນ, ການເຕີບໂຕເສດຖະກິດຕ້ອງຕິດພັນກັບການພັດທະນາວັດທະນະທຳ, ພັດທະນາມະນຸດຮອບດ້ານ, ປະຕິບັດປະຊາທິປະໄຕ, ກ້າວຫນ້າ ແລະ ຍຸຕິທຳສັງຄົມ, ສ້າງວຽກເຮັດງານທຳ, ປັບປຸງຊີວິດການເປັນຢູຸ່ຂອງປະຊາຊົນ, ສົ່ງເສີມການສ້າງຄວາມຮັ່ງມີຢ່າງຖືກຕ້ອງກັບກົດໝາຍ ແລະ ຍູ້ໄວກິດຈະການລົບລ້າງຄວາມອຶດຫິວຫລຸດຜ່ອນຄວາມທຸກຍາກ.