(vovworld) – ໃນລະຫວ່າງວັນທີ 06 – 07/05, ຢູ່ມະຫາວິທະຍາໄລ Yale, ລັດ Connecticut, ປະເທດອາເມລິກາ ໄດ້ດຳເນີນກອງປະຊຸມສຳມະນາ ດ້ວຍຫົວຂໍ້ວ່າ “ການປະທະກັນຢູ່ທະເລຕາເວັນອອກ”. ກອງປະຊຸມສຳມະນາໂດຍສະພາຄົ້ນຄວ້າອາຊີຕາເວັນອອກ (CSEAS) ຢູ່ມະຫາວິທະຍາໄລ Yale ຈັດຕັ້ງ. ສະພາຄົ້ນຄວ້າອາຊີຕາເວັນອອກ ແລະ ສະຖາບັນວັດທະນະທຳ ແລະ ສຶກສາຫວຽດນາມ ສົມທົບກັນອຸປະຖຳ. ກອງປະຊຸມສຳມະນາ ໄດ້ດຶງດູດການເຂົ້າຮ່ວມຂອງບັນດານັກຮຽນຮູ້ແຖວໜ້າກ່ຽວກັບບັນຫາທະເລຕາເວັນອອກ ທີ່ມາຈາກບັນດາສະຖາບັນຄົ້ນຄວ້າ, ມະຫາວິທະຍາໄລທີ່ມີອິດທິພົນຊື່ສຽງຢູ່ອາເມລິກາ ແລະ ບັນດາປະເທດຄື: ຝລັ່ງ, ເຢຍລະມັນ, ອົດສະຕາລີ, ອັງກິດ, ການາດາ. ບັນດານັກຮຽນຮູ້ ໄດ້ຄັດສະເໜີບັນດາເອກະສານ ແລະ ແຜນທີ່ເກົ່າ, ລວມທັງຂອງຈີນ, ບັນດາປະເທດໃນພາກພື້ນ ແລະ ຂອງຝ່າຍຕາເວັນຕົກ ເມື່ອເດືນທາງຜ່ານເຂດທະເລນີ້, ເຊິ່ງໄດ້ພິສຸດສິ່ງທີ່ກົງກັນຂ້າມກັບບັນດາຄຳຖະແຫຼງອະທິປະໄຕຂອງຈີນ ຢູ່ທະເລຕາເວັນອອກ. ທີ່ກອງປະຊຸມສຳມະນາ, ບັນດານັກຮຽນຮູ້ໄດ້ກ່າວເຕືອນຈີນ ກໍ່ສ້າງກຳລັງທະຫານທີ່ມີກຳລັງແຮງຢ່າງພຽງພໍເພື່ອຄອບງຳຄວບຄຸມບາງເກາະຢູ່ທະເລຕາເວັນອອກ ແລະ ກ່າວເຕືອນຈີນ ພວມເພີ່ມທະວີການນຳໃຊ້ກ່ຳປັ່ນຫາປາ ສົມທົບກັບກ່ຳປັ່ນການຄ້າ ແລະ ບັນດາກ່ຳປັ່ນຂອງກຳລັງປະຕິບັດກົດໝາຍ ເພື່ອແນໃສ່ປ່ຽນແປງສະພາບເດີມຢູ່ທະເລຕາເວັນອອກ. ຄຽງຂ້າງນັ້ນ, ຈີນຍັງນຳໃຊ້ກຳລັງທະຫານລາດທະເລ ເພື່ອເວລາເກີດການປະທະກັນດ້ວຍກຳລັງອາວຸດ, ກຳລັງນີ້ຈະມີບົດບາດຄືກຳລັງກອງທັບເຮືອບໍ່ເປັນທາງການ.