(vovworld) - “ກຳນົດທ່າແຮງໃນການແກ່ງແຍ້ງຂອງຫວຽດນາມ ຄືນໃໝ່ຜ່ານການເພີ່ມທະວີຄວາມສາມາດຮັບມືກັບຄວາມສ່ຽງ” ແມ່ນຫົວຂໍ້ຂອງກອງປະຊຸມສຳມະນາ ເຊິ່ງໄຂຂຶ້ນໃນຕອນເຊົ້າວັນທີ 6/12, ຢູ່ຮ່າໂນ້ຍ. ກ່າວຄຳເຫັນທີ່ກອງປະຊຸມສຳມະນາ, ທ່ານຮອງລັດຖະມົນຕີກະຊວງອຸດສາຫະກຳການຄ້າ ເຈີ່ນຕ໋ວນແອງ (Tran Tuan Anh) ຖືວ່າ.
“ໜ້າທີ່ຈຸດສຸມເຊິ່ງໄດ້ວາງອອກໃຫ້ທົ່ວພື້ນຖານເສດຖະກິດຂອງພວກເຮົານັ້ນແມ່ນ ຄວນມຸ່ງໄປສູ່ການຫັນປ່ຽນຮູບແບບເສດຖະກິດ, ພິເສດ ປັດໃຈສຳຄັນແມ່ນຍົກສູງສະມັດຕະພາບແຮງງານ. ສະມັດຕະພາບແຮງງານຂອງພວກເຮົາຍັງຕໍ່າຢູ່ ເມື່ອທຽບໃສ່ກັບບັນດາປະເທດໃນພາກພື້ນ ແລະ ສາກົນ. ໃນສະພາບແວດລ້ອມແຫ່ງການແກ່ງແຍ້ງຢ່າງຂ້ຽວຂາດນັ້ນ. ລັດຖະບານໄດ້ເອົາໃຈໃສ່ຍົກສູງອັດຕາການປະກອບສ່ວນຂອງບັນດາພື້ນຖານເສດຖະກິດປາຍແຫຼມ, ພິເສດແມ່ນມຸ່ງໄປເຖິງການເພີ່ມທະວີໃນຂົງເຂດອຸດສາຫະກຳ ແລະ ການບໍລິການ”.
ທີ່ກອງປະຊຸມສຳມະນາ, ການນຳບັນດາວິສາຫະກິດອັນດັບໜຶ່ງຂອງຫວຽດນາມ, ບັນດາຜູ້ຊ່ຽວຊານດ້ານເສດຖະກິດ ໄດ້ປຶກສາຫາລືກ່ຽວກັບທ່າແຮງໃນການແກ່ງແຍ້ງຂອງຫວຽດນາມ ກໍຄືເລື່ອງເຮັດແນວໃດເພື່ອຍົກສູງຄວາມສາມາດແກ່ງແຍ້ງຂອງຫວຽດນາມ.