(vovworld) – ໂດຍປະຕິບັດແຜນການຮ່ວມມືລະຫວ່າງ 2 ພັກ, ຄະນະຜູ້ແທນພັກກອມມູນິດ ຫວຽດນາມ ໂດຍທ່ານ ດິງເທ໋ຮິງ, ຫົວໜ້າຄະນະໂຄສະນາສຶກສາສູນກາງ, ປະທານສະພາທິດສະດີສູນກາງ, ເປັນຫົວໜ້າຄະນະໄດ້ໄປຢ້ຽມຢາມ ລາວ ແລະ ເຂົ້າຮ່ວມກອງປະຊຸມສຳມະນາທິດສະດີຄັ້ງທີ 2 ລະຫວ່າງ 2 ພັກດ້ວຍຫົວຂໍ້ວ່າ “ຍົກສູງກຳລັງຄວາມສາມາດນຳພາ ແລະ ກຳລັງຕໍ່ສູ້ຂອງພັກໃນເງື່ອນໄຂແມ່ນພັກດຽວກຳອຳນາດຢູ່ ຫວຽດນາມ ແລະ ລາວ”.
ຕອນເຊົ້າວັນທີ 7/4, ກ່າວຄຳເຫັນໄຂກອງປະຊຸມສຳມະນາ, ທ່ານ ດິງເທ໋ຮິງ ເນັ້ນໜັກວ່າ: ກອງປະຊຸມສຳມະນາທິດສະດີລະຫວ່າງ 2 ພັກຄັ້ງນີ້ ແມ່ນບັນຫາທິດສະດີ ແລະ ພຶດຕິກຳຕົວຈິງສຳຄັນທີ່ສຸດ, ທັງມີລັກສະນະພື້ນຖານ, ຍາວນານ, ທັງມີລັກສະນະສະຖານະການ, ຮີບດ່ວນເຊິ່ງທັງ 2 ພັກລ້ວນແຕ່ເອົາໃຈໃສ່. ທ່ານ ດິງເທ໋ຮິງ ໄຈ້ແຍກເລື່ອງຍົກສູງຄວາມສາມາດນຳພາ ແລະ ກຳລັງຕໍ່ສູ້ຂອງພັກ ບໍ່ພຽງແຕ່ຂຶ້ນກັບຄວາມຮັບຜິດຊອບ ແລະ ຄວາມຕັດສິນໃຈດ້ານການເມືອງຂອງພັກ, ຄວາມມານະພະຍາຍາມປະຕິບັດວຽກງານກໍ່ສ້າງພັກຂອງທົ່ວພັກ, ຄະນະພັກທຸກຂັ້ນ ແລະ ຖັນແຖວພະນັກງານ, ສະມາຊິກພັກ ເທົ່ານັ້ນ ຫາກຍັງດຶງດູດຄວາມເອົາໃຈໃສ່ ແລະ ຄວາມຮັບຜິດຊອບຂອງທົ່ວລະບົບການເມືອງ ແລະ ຂອງທົ່ວປວງຊົນອີກດ້ວຍ.
ໃນລະຫວ່າງວັນທີ 7 – 8/4, ບັນດາຜູ້ແທນສືບຕໍ່ໄດ້ຮັບຟັງບົດລາຍງານ ແລະ ປຶກສາຫາລືບັນດາຫົວເລື່ອງສະເພາະຂອງບັນດາຄະນະຜູ້ແທນພັກກອມມູນິດ ຫວຽດນາມ ແລະ ພັກປະຊາຊົນປະຕິວັດລາວ.
ກ່ອນໜ້ານັ້ນ, ຕອນບ່າຍວັນທີ 6/4, ທີ່ສຳນັກງານສູນກາງພັກປະຊາຊົນປະຕິວັດ ລາວ, ທ່ານເລຂາທິການໃຫຍ່, ປະທານປະເທດ ລາວ ຈຸມມາລີ ໄຊຍະສອນ ໄດ້ໃຫ້ການຕ້ອນຮັບຄະນະ. ນະທີ່ນີ້, ທ່ານດິງເທ໋ຮິງ ຢືນຢັນວ່າ: ໃນບໍ່ວ່າເງື່ອນໄຂໃດໆ, ຫວຽດນາມ ກໍ່ຈະເຮັດຈົນສຸດຄວາມສາມາດຂອງຕົນພ້ອມກັບ ລາວ ຮັກສາ, ເພີ່ມພູນຄຸນສ້າງ ແລະ ສືບທອດສາຍພົວພັນສາມັກຄີແບບພິເສດ ຫວຽດນາມ - ລາວ, ເຊິ່ງແມ່ນຊັບສົມບັດອັນລ້ຳຄ່າຂອງ 2 ພັກ, 2 ຊາດ ໃຫ້ລຸ້ນຄົນຕໍ່ໆໄປ. ທ່ານ ດິງເທ໋ຮີງ ສະແດງຄວາມປາດຖະໜາຢາກຊຸກຍູ້ການພົວພັນລະຫວ່າງ 2 ພັກ, 2 ລັດໃຫ້ກ້າວເຂົ້າສູ່ລວງເລິກ, ເພີ່ມທະວີບັນດາການເຄື່ອນໄຫວແລກປ່ຽນ, ທິດສະດີ ແລະ ພຶດຕິກຳຕົວຈິງກ່ຽວກັບການນຳພາ, ຄຸມຄອງ ແລະ ການກໍ່ສ້າງພັກ.
ທ່ານເລຂາທິການໃຫຍ່, ປະທານປະເທດ ລາວ ຈຸມມາລີ ໄຊຍະສອນ ຢືນຢັນວ່າ: ພັກ, ລັດ ແລະ ປະຊາຊົນ ລາວ ຈະເຮັດຈົນສຸດຄວາມສາມາດຂອງຕົນເພື່ອຮັກສາ, ເພີ່ມພູນຄຸນສ້າງໃຫ້ສາຍພົວພັນມິດຕະພາບທີ່ເປັນມູນເຊື້ອ, ຄວາມສາມັກພິເສດ ແລະ ການຮ່ວມມືຮອບດ້ານ ລາວ - ຫວຽດນາມ. ທ່ານເລຂາທິການໃຫຍ່, ປະທານປະເທດ ຈຸມມາລີ ໄຊຍະສອນ ຫວັງວ່າ 2 ຝ່າຍຈະສືບຕໍ່ເພີ່ມທະວີການແລກປ່ຽນທິດສະດີ ແລະ ພຶດຕິກຳຕົວຈິງ ກ່ຽວກັບບັນດາບັນຫາໄດ້ ແລະ ພວມວາງອອກໃນພາລະກິດປ່ຽນໃໝ່ ແລະ ກໍ່ສ້າງລັດທິສັງຄົມນິຍົມຢູ່ແຕ່ລະປະເທດ.