(vovworld) – ວັນທີ 10/6, ຢູ່ນະຄອນ ເກີນເທີ, ຄະນະກຳມະການຊົນເຜົ່າໄດ້ສົມທົບກັບຄະນະຊີ້ນຳເຂດຕາເວັນຕົກທາງພາກໃຕ້ ຫວຽດນາມ ແລະ ນະຄອນ ເກີນເທີ ຈັດຕັ້ັງກອງປະຊຸມສຳມະນາທາບທາມຄວາມເຫັນນະໂຍບາຍພິເສດສະເພາະໜູນຊ່ວຍພັດທະນາເສດຖະກິດ-ສັງຄົມໃຫ້ບັນດາເຜົ່າສ່ວນໜ້ອຍ ແລະ ເຂດພູດອຍໄລຍະ 2016-2020. ຕາມທ່ານເຊີນເຟືອກຮວານ, ລັດຖະມົນຕີຊ່ວຍວ່າການ, ຮອງຫົວໜ້າຄະນະກຳມະການຊົນເຜົ່າ ແລ້ວ, ໃນໄລຍະຜ່ານມາພັກ ແລະ ລັດ ໄດ້ລົງທຶນແຫຼ່ງກຳລັງພໍສົມຄວນໃຫ້ການປະຕິບັດບັນດານະໂຍບາຍຊົນເຜົ່າ. ເມື່ອປະກອບຄວາມເຫັນທີ່ກອງປະຊຸມສຳມະນາ, ບັນດາຜູ້ແທນຖືວ່າ: ນະໂຍບາຍສະເພາະໜູນຊ່ວຍພັດທະນາເສດຖະກິດ-ສັງຄົມໃຫ້ບັນດາເຜົ່າສ່ວນໜ້ອຍ ແລະ ເຂດພູດອຍ ຄວນສຸມໃສ່ເຂົ້າໃນການໂຄສະນາເຜີຍແຜ່, ຂົນຂວາຍປະຊາຊົນປ່ຽນແປງຈິດຕະນາການ; ໜູນຊ່ວຍກ່ຽວກັບເຮືອນຢູ່, ທີ່ດິນ, ໄຟຟ້າ, ນ້ຳຮັບໃຊ້ການດຳລົງຊີວິດ; ເພີ່ມແຫຼ່ງທຶນກູ້ຢືມຈາກບັນດາທະນາຄານນະໂຍບາຍ.