(vovworld) - ໂດຍນອນໃນໂຄງການຕິດຕາມກວດກາວຽງການປ້ອງກັນ, ຕ້ານການ ປ່ຽນແປງຂອງດິນຟ້າອາກາດຢູ່ບັນດາແຂວງ, ນະຄອນເຂດທົ່ງພຽງແມ່ນ້ຳຂອງ, ຕອນເຊົ້າວັນທີ 21/03, ຢູ່ ເກີນເທີ, ກຳມະການວິທະຍາສາດເຕັກໂນໂລຊີ ແລະ ສິ່ງແວດລ້ອມຂອງສະພາແຫ່ງຊາດ ໄດ້ຈັດກອງປະຊຸມສຳມະນານະໂຍບາຍ, ກົດໝາຍເພື່ອຮັບມືກັບການປ່ຽນແປງຂອງດິນຟ້າອາກາດຢູ່ຫວຽດນາມ.
ທີ່ກອງປະຊຸມສຳມະນາ, ບັນດາຜູ້ແທນລ້ວນແຕ່ຖືວ່າ, ການສ້າງ, ປະກາດໃຊ້ບັນດາເອກະສານນິຕິກຳໃນໄລຍະຜ່ານມາ ໄດ້ສ້າງກອບກົດໝາຍ, ຊຸກຍູ້ບັນດາມາດຕະການຮັບມືກັບການປ່ຽນແປ່ງດິນຟ້າອາກາດຢູ່ຫວຽດນາມ ໃຫ້ນັບມື້ນັບແທດຈິງ ແລະ ມີປະສິດທິຜົນ. ຜ່ານນັ້ນ, ເປັນເຈົ້າການຮັບມືກັບການຜັນແປ່ ແລະ ຜົນກະທົບບໍ່ດີຈາກອາກາດ, ປະກອບສ່ວນປ້ອງກັນ, ຕ້ານ, ຫຼຸດຜ່ອນໄພທຳມະຊາດ ແລະ ຜົນກະທົບບໍ່ດີຂອງທຳມະຊາດທີ່ມີຕໍ່ມະນຸດ. ທ່ານ ຝານຊວນຢຸງ, ກຳມະການຄະນະປະຈຳສະພາແຫ່ງຊາດ, ຫົວໜ້າກຳມາທິການວິທະຍາສາດເຕັກໂນໂລຊີ ແລະ ສິ່ງແວດລ້ອມຂອງສະພາແຫ່ງຊາດ ຖືວ່າ.
“ໂຄງການຂອງຫວຽດນາມ ແມ່ນສູ້ຊົນຮອດປີ 2020, ເປັນເຈົ້າການຮັບມືກັບການປ່ຽນແປ່ງຂອງດິນຟ້າອາກາດ, ປ້ອງກັນ, ຫຼີກລ້ຽງໄພທຳມະຊາດ, ຫຼຸດຜ່ອນອາຍພິດເຮືອນແກ້ວ. ຄວບຄຸ້ມລະດັບມົນລະພິດສິ່ງແວດລ້ອມ, ຮັບປະກັນໃຫ້ຊີວະພາບມີຄວາມດຸນດ່ຽງ. ເປັນເຈົ້າການປ້ອງກັນ, ຕ້ານ, ສະກັດກັ້ນຜົນກະທົບຈາກນ້ຳທະເລຂຶ້ນສູງ, ນ້ຳຖ້ວນ,ຢູ່ເຂດແຄມທະເລ”.