ກອງປະຊຸມສຳມະນາອັບເດັດຍຸດທະສາດລາຍການປ່ຽນໃໝ່
ຫົວຄິດປະດິດສ້າງ ຫວຽດນາມ - ແຟງລັງ ໄລຍະ 2016 – 2018
(ພາບ: vietq.vn)
(vovworld) – ວັນທີ 1/10 ຢູ່ຮ່າໂນ້ຍ, ຄະນະຄຸ້ມຄອງໂຄງການຄູ່ຮ່ວມມືປ່ຽນໃໝ່ທີ່ມີຫົວຄິດປະດິດສ້າງ ຫວຽດນາມ - ແຟງລັງ ໄລຍະ 2 (IPP 2), ຈັດຕັ້ງກອງປະຊຸມສຳມະນາອັບເດັດຍຸດທະສາດລາຍການປ່ຽນໃໝ່ຫົວຄິດປະດິດສ້າງ ຫວຽດນາມ - ແຟງລັງ ໄລຍະ 2016 – 2018, ເພື່ອແນໃສ່ປຶກສາຫາລືກ່ຽວກັບບັນດາບັນຫາຈຸດສຸມ, ກຳນົດທິດຍຸດທະສາດຜັນຂະຫຍາຍໂຄງການໃນຊຸມປີຈະມາເຖິງຢ່າງມີປະສິດທິຜົນ. ທີ່ກອງປະຊຸມສຳມະນາ, ບັນດານັກຊ່ຽວຊານລ້ວນແຕ່ຖືວ່າ: ຫວຽດນາມ ໄດ້ສຳເລັດຜົນໃນການໜູນຊ່ວຍບັນດາວິສາຫະກິດຊຸກຍູ້ການປ່ຽນໃໝ່ຫົວຄິດປະດິດສ້າງໃນການຜະລິດ, ເຖິງຢ່າງໃດກໍ່ຕາມ ຍັງມີວຽກງານຫລາຍຢ່າງຕ້ອງໄດ້ຮັບການໜູນຊ່ວຍ ເພື່ອປັບປຸງລະບົບປ່ຽນໃໝ່ຫົວຄິດປະດິດສ້າງແຫ່ງຊາດ ແລະ ຍົກລະດັບຂອບຂະໜາດໜູນໃຊ້ການປ່ຽນໃໝ່ຫົວຄິດປະດິດສ້າງໃນຂອບເຂດເອກະຊົນ ກ່ວາອີກ. ບັນດານັກຊ່ຽວຊານໄດ້ສະເໜີມາດຕະການຫລາຍຢ່າງ ເພື່ອຊຸກຍູ້ໂຄງການປ່ຽນໃໝ່ຫົວຄິດປະດິດສ້າງ ຫວຽດນາມ - ແຟງລັງ ໃນໄລຍະ 2016 – 2018 ຢ່າງມີປະສິດທິຜົນ. ໃນນັ້ນ, ເອົາໃຈໃສ່ເປັນພິເສດເຖິງການເພີ່ມທະວີບົດບາດຂອງບັນດາມະຫາວິທະຍາໄລໃນລະບົບປ່ຽນໃໝ່ຫົວຄິດປະດິດສ້າງແຫ່ງຊາດ…