ພາບປະກອບ:internet
|
(vovworld)- “ຜັນຂະຫຍາຍການລົງທຶນຕາມຮູບການຄູ່ຮ່ວມມືພາກລັດ- ເອກະຊົນ ” ແມ່ນຫົວຂໍ້ຂອງກອງປະຊຸມສຳມະນາໂດຍກະຊວງແຜນການ ແລະ ການລົງທຶນ ຈັດຕັ້ງຂຶ້ນໃນຕອນເຊົ້າວັນທີ 28/12 ຢູ່ ຮ່າໂນ້ຍ. ທີ່ກອງປະຊຸມສຳມະນາ, ບັນດາຜູ້ແທນໄດ້ສຸມໃສ່ປຶກສາຫາລືກ່ຽວກັບບັນດາຂໍ້ຂາດຕົກບົກຜ່ອງ ແລະ ກຳນົດທິດປັບປຸງຂໍ້ຕົກລົງເລກທີ71 ຂອງນາຍົກລັດຖະມົນຕີກ່ຽວກັບການປະກາດໃຊ້ຂໍ້ກຳນົດການທົດລອງກ່ຽວກັບການລົງທຶນຕາມຮູບການຄູ່ຮ່ວມມືພາກລັດ - ເອກະຊົນ (PPP). ຕາມບັນດາຜູ້ແທນແລ້ວ, ເພື່ອໃຫ້ໂຄງການລົງທຶນຕາມຮູບການຄູ່ຮ່ວມມືພາກລັດ - ເອກະຊົນ ສຳເລັດຜົນ, ບັນດາໂຄງການ PPP ຕ້ອງໄດ້ຮັບການອອກແບບໃຫ້ເໝາະສົມກັບພຶດຕິກຳ, ສ້າງລັກສະນະໝັ້ນຄົງກ່ຽວກັບເສດຖະກິດ, ການເງິນ ແລະ ສິ່ງແວດລ້ອມ. ທ່ານເລວັນຕັງ, ຫົວຫນ້າກົມຄຸ້ມຄອງການປະມູນ, ສັງກັດກະຊວງແຜນການ ແລະ ການລົງທຶນຫວຽດນາມໃຫ້ຮູ້ວ່າ:
“ຈຸດໝາຍປັບປຸງຂໍ້ຕົກລົງເລກທີ 71 ເພື່ອສ້າງຄວາມສະດວກໃຫ້ແກ່ບັນດາອົງການທີ່ມີສິດອຳນາດ ຮັບປະກັນຄວາມເຊື່ອໝັ້ນດ້ວຍຕົນເອງໃຫ້ແກ່ບັນດານັກລົງທຶນ. ຫນຶ່ງໃນບັນດາເນື້ອໃນສຳຄັນຕ້ອງໄດ້ຮັບການປັບປຸງໃນຄັ້ງນີ້ ນັ້ນແມ່ນການເຂົ້າຮ່ວມຂອງລັດ. ”