ກອງປະຊຸມສຳມະນາວິທະຍາສາດ70ປີວັນມູນເຊື້ອກອງເສນາທິການໃຫຍ່ກອງທັບປຊຊຫວຽດນາມ
(ທ່ານຮອງນາຍົກລັດຖະມົນຕີ ຫງວຽນຊວນຟຸກ
ກ່າວຄຳເຫັນທີ່ກອງປະຊຸມ)
(vovworld) - ຕອນເຊົ້າວັນທີ 6/8, ຢູ່ຮ່າໂນ້ຍ, ໄດ້ດຳເນີນກອງປະຊຸມສຳມະນາວິທະຍາສາດດ້ວຍຫົວຂໍ້ວ່າ “ກອງເສນາທິການໃຫຍ່ກອງທັບປຊຊຫວຽດນາມ, ມູນເຊື້ອວິລະຊົນ, ໄຊຊະນະອັນສະຫງ່າລາສີ“, ເນື່ອງໃນໂອກາດສະເຫຼີມສະຫຼອງ 70 ປີແຫ່ງວັນມູນເຊື້ອກອງເສນາທິການໃຫຍ່ກອງທັບປະຊາຊົນຫວຽດນາມ (7/9/1945-7/9/2015). ກ່າວຄວາມເຫັນທີ່ກອງປະຊຸມສຳມະນາ, ທ່ານຮອງນາຍົກລັດຖະມົນຕີ ຫງວຽນຊວນຟຸກ ຕີລາຄາສູງການປະກອບສ່ວນຢ່າງໃຫຍ່ຫຼວງຂອງກອງເສນາທິການໃຫຍ່ໃນຕະຫຼອດ 70 ປີຜ່ານມາ, ພິເສດແມ່ນເລື່ອງເປັນເສນາທິການໃຫ້ກະຊວງປ້ອງກັນປະເທດຈັດຕັ້ງ, ກໍ່ສ້າງກອງທັບໃຫ້ມີລະດັບກຽມພ້ອມຕໍ່ສູ້ສູງ, ສ້າງສະພາບແວດລ້ອມສັນຕິພາບ, ສະຖຽນລະພາບ ເພື່ອກໍ່ສ້າງ ແລະ ປົກປັກຮັກສາປະເທດຊາດ.
“ກອງເສນາທິການໃຫຍ່ຄວນຮັບຮູ້ແຈ້ງບົດບາດເປັນເສນາທິການຍຸດທະສາດໃຫ້ພັກ, ລັດ ແລະ ກອງທັບກ່ຽວກັບດ້ານການທະຫານ, ການປ້ອງກັນຊາດ. ນີ້ແມ່ນໜ້າທີ່ຮັບຜິດຊອບຢ່າງໃຫຍ່ຫຼວງ, ສະຫງ່າລາສີ ແລະ ກໍ່ໜັກໜ່ວງທີ່ສຸດ, ທັງແມ່ນຂົງເຂດພິເສດ, ມີລັກສະນະປິດລັບສູງ, ຮຽກຮ້ອງຕ້ອງມີການແກ້ໄຂບັນດາບັນຫາຍຸດທະສາດກ່ຽວກັບເປົ້າໝາຍ, ເນື້ອໃນ, ລັກສະນະ, ໜ້າທີ່ກ່ຽວຂ້ອງເຖິງກອງທັບ ແລະ ການປົກປັກຮັກສາປະເທດຊາດຢ່າງຄົບຊຸດ, ວ່ອງໄວ, ທັນການ, ຊັດເຈນ“.