(vovworld) - ຕອນເຊົ້າວັນທີ 22/2 ຢູ່ຮ່າໂນ້ຍ, ໄດ້ດຳເນີນກອງປະຊຸມສຳມະນາວິທະຍາສາດ “ປະກອບຄຳເຫັນສ້າງຮ່າງລັດຖະທຳມະນູນ ປີ 1992 ສະບັບປັບປຸງໃຫ້ສົມບຸນແບບ”. ເຂົ້າຮ່ວມກອງປະຊຸມສຳມະນາມີຜູ້ຊ່ຽວຊານ, ນັກວິທະຍາສາດຂອງຫ້ອງວ່າການສະພາແຫ່ງຊາດ, ສະມາຄົມທະນາຍຄວາມ ຫວຽດນາມ, ບັນດາມະຫາວິທະຍາໄລ, ສະຖາບັນ, ສະຖາບັນຄົ້ນຄ້ວາ.
ທ່ານສາດສະດາຈານ, ດຣ ເຈີ່ນງອກເດືອງ, ຜູ້ຊ່ຽວຊານຂັ້ນສູງຂອງສະພາແຫ່ງຊາດ ຕີລາຄາວ່າ:
“ສິດທິມະນຸດ,ສິດ ແລະ ພັນທະພື້ນຖານຂອງພົນລະເມືອງໄດ້ສະແດງໃນຮ່າງລັດຖະທຳມະນູນ ມີບາດກ້າວພັດທະນາໃໝ່ ກ່ຽວກັບຄວາມຮັບຮູ້ກໍ່ຄືວິທີການສະແດງ. ຈຸດໃໝ່ທີ່ໜຶ່ງ ແມ່ນ ພວກເຮົາໄດ້ນຳເອົາໝວດທີ 2 ຂຶ້ນທາງໜ້າ, ນີ້ບໍ່ພຽງແຕ່ແມ່ນການປ່ຽນຊັບຊ້ອນ ຫາກຍັງແມ່ນຄວາມຮັບຮູ້ໃໝ່ ກຳນົດວ່າປະຊາຊົນແມ່ນ ຜູ້ຮັບຜິດຊອບສິດສ້າງກົດໝາຍ. ເນື້ອໃນກ່ຽວກັບສິດທິມະນຸດ, ສິດ ແລະ ພັນທະພື້ນຖານຂອງພົນລະເມືອງໄດ້ກຳນົດຢ່າງເໝາະສົມກ່ວາ ກັບບັນດາສົນທິສັນຍາສາກົນ ເຊິ່ງ ຫວຽດນາມ ແມ່ນສະມາຊິກ. ມີບາງສິດໃໝ່ໄດ້ຮັບການເພີ່ມເຕີມ ແລະ ສະແດງບາດກ້າວໃໝ່ໃນການເປີດກ້ວາງສິດ, ອັນໄດ້ສ່ອງແສງໝາກຜົນຂອງວິວັດການປ່ຽນໃໝ່ທີ່ຜ່ານມາ. ”
ເຖິງຢ່າງໃດກໍ່ຕາມ, ບາງຄຳເຫັນທີ່ກອງປະຊຸມສຳມະນາ ກໍ່ໄດ້ຊີ້ແຈ້ງບັນດາຂໍ້ຈຳກັດຂອງຮ່າງລັດຖະທຳມະນູນຄວນສືບຕໍ່ປັບປຸງ ເພື່ອຕອບສະໜອງຄວາມຮຽກຮ້ອງຕ້ອງການຂອງປະຊາຊົນ ແລະ ທ່າອ່ຽງຂອງຍຸກສະໄໝ. ຜູ້ແທນຫຼາຍທ່ານໄດ້ສະເໜີວ່າ: ຮ່າງລັດຖະທຳມະນູນ ຕ້ອງໄດ້ກຳນົດບົດບາດນຳພາຂອງ ພັກ ມີລັກສະນະເປັນຄຳໝັ້ນສັນຍາດ້ານນິຕິກຳຢ່າງລະອຽດ ເພື່ອໃຫ້ພັກກອມມູນິດ ຫວຽດນາມ ສົມກັບບົດບາດ ກ່ຽວກັບການນຳພາທີ່ມີຕໍ່ລັດ ແລະ ສັງຄົມຊຶ່ງລັດຖະທຳມະນູນໄດ້ກຳນົດຢ່າງແທດຈິງ.