ກອງປະຊຸມສຳມະນາວິທະຍາສາດ “ໂຮ່ຈີມິນ ກັບແນວໂຮມ ຫວຽດມິງ”
(vovworld) – ກອງປະຊຸມສຳມະນາວິທະຍາສາດ “ໂຮ່ຈີມິນ ກັບແນວໂຮມ ຫວຽດມິງ” ໄດ້ດຳເນີນໃນຕອນເຊົ້າວັນທີ 18/5, ຢູ່ຮ່າໂນ້ຍ, ໂດຍສະຖາບັນການເມືອງແຫ່ງຊາດ ໂຮ່ຈີມິນ ຈັດຕັ້ງ, ເນື່ອງໃນໂອກາດສະເຫຼີມສະຫຼອງ 75 ປີແຫ່ງວັນສ້າງຕັ້ງແນວໂຮມ ຫວຽດມີງ (19/5/1941 – 19/5/2016). ກອງປະຊຸມສຳມະນາສຸມໃສ່ເຮັດແຈ້ງບັນດາແນວຄິດທີ່ເປັນແກ່ນສານທີ່ສຸດຂອງ ປະທານ ໂຮ່ຈີມິນ ກ່ຽວກັບແນວໂຮມປະເທດຊາດເອກະລາດ, ບົດບາດ, ຄວາມໝາຍອັນໃຫຍ່ຫຼວງຂອງແນວໂຮມ ຫວຽດມີງ ສຳລັບການປະຕິວັດ ຫວຽດນາມ.
ກໍ່ໃນຕອນເຊົ້າວັນດຽວກັນ ກໍ່ໄດ້ດຳເນີນງານວາງສະແດງຫົວເລື່ອງສະເພາະ “ແນວໂຮມ ຫວຽດມີງ - ມະຫາສາມັກຄີທົ່ວປະຊົນທັງຊາດ (1941 – 1951)” ຢູ່ຫໍພິພິທະພັນປະຫວັດສາດແຫ່ງຊາດ. ກ່າວຄຳເຫັນທີ່ງານວາງສະແດງ, ທ່ານ ຫງວຽນທ້ຽນເຍີນ, ປະທານຄະນະກຳມະການສູນກາງແນວໂຮມປະເທດຊາດ ຫວຽດນາມ, ໄດ້ຊົມເຊີຍຂໍ້ລິເລ່ີມຈັດຕັ້ງງານວາງສະແດງຄັ້ງນີ້. ທ່ານ ຫງວຽນທ້ຽນເຍີນ ເນັ້ນໜັກວ່າ:
“ການຈັດຕັ້ງງານວາງສະແດງຫົວເລື່ອງສະເພາະນີ້ແມ່ນໂອກາດທີ່ດີເພື່ອໃຫ້ພວກເຮົາຢັ້ງຢືນພູມປັນຍາຂອງຊາວ ຫວຽດນາມ, ແບບວິທີຂອງຊາວ ຫວຽດນາມ ແລະ ແບບວິທີນີ້, ມະຫາສາມັກຄີນີ້ຍັງແມ່ນເຄື່ອງມືທີ່ມີມາແຕ່ດົນນານແລ້ວເພື່ອໃຫ້ພວກເຮົາສ້າງສາ ແລະ ປົກປັກຮັກສາປະເທດຊາດໃນໄລຍະປະຈຸບັນ. ດ້ວຍນຳ້ໃຈນັ້ນ, ພວກເຮົາຂໍອວຍພອນໃຫ້ຫໍພິພິຕະພັນປະຫວັດສາດແຫ່ງຊາດສົມທົບກັບບັນດາຫົວໜ່ວຍມີບັນດາວັດຖຸພັນທີ່ໄດ້ນຳມາວາງສະແດງກ່ອນທີ່ຈະດຳເນີນການເລືອກຕັ້ງ, ພວກເຮົາຈຶ່ງຄິດຮອດຄິດເຖິງປະເທດ ຫວຽດນາມ ຍ້ອນມີນຳ້ໃຈສາມັກຄີກັນຈຶ່ງຍາດໄດ້ເອກະລາດ ແລະ ໄຊຊະນະ.”