(vovworld) - ວັນທີ 20/3, ຢູ່ນະຄອນ ດ້ຽນບຽນຝູ (ແຂວງ ດ້ຽນບຽນ) ຈະດຳເນີນກອງປະຊູມສຳມະນາວິທະຍາສາດດ້ວຍຫົວຂໍ້ວ່າ “ ໄຊຊະນະ ດ້ຽນບຽນຝູ - ກຳລັງແຮງ ຫວຽດນາມ ໃນສະໄໝ ໂຮ່ຈີ໋ມິນ” ໂດຍກະຊວງປ້ອງກັນປະເທດ ແລະ ແຂວງ ດ້ຽນບຽນສົມທົບກັນຈັດຕັ້ງ. ກອງປະຊູມສຳມະນາແນໃສ່ໂຄສະນາຢ່າງເລີກເຊີ່ງກ່ຽວກັບທັດຊະນະ, ແນວຄິດ, ແນວທາງສົງຄາມປະຊາຊົນທີ່ຖືກຕ້ອງ, ມີຫົວຄິດປະດິດສ້າງຂອງພັກ ແລະ ປະທານ ໂຮ່ຈີ໋ມິນ; ນະໂຍບາຍດຳເນີນສົງຄາມຂອງພວກລ່າເມືອງຂຶ້ນ ຝລັ່ງ ແລະ ການແຊກແຊງຂອງ ອາເມລິກາ ໃນບັ້ນຮົບ ດົງຊວນ(Đông Xuân) 1953 – 1954, ພິເສດແມ່ນການຈັດຕັ້ງ, ສ້າງຖານທີ່ໝັ້ນ ດ້ຽນບຽນຝູ. ກອງປະຊູມສຳມະນາຍັງໂຄຊະນາໄຫວພິກຫົວຄິດປະດິດສ້າງໃນການຊີ້ນຳນຳພາຍຸດທະສາດ, ບັ້ນຮົບຊອງຄະນະພັກການທະຫານ ແລະ ກອງບັນຊາການໃຫຍ່; ບົດບາດ ແລະ ບັນດາການປະກອບສ່ວນຂອງກຳລັງປະກອບອາວຸດກໍ່ຄືປະຊາຊົນທົ່ວປະເທດ, ພິເສດແມ່ນປະຊາຊົນບັນດາເຜົ່າເຂດຕາເວັນຕົກສ່ຽງເໜືອ, ໃນນັ້ນມີທະຫານ - ປະຊາຊົນແຂວງ ດ້ຽນບຽນ.