ກອງປະຊຸມສຳມະນາສາກົນ “ຮ່ວາງຊາ - ເຈື່ອງຊາ: ຄວາມຈິງກ່ຽວກັບປະຫວັດສາດ”
ກອງປະຊຸມສຳມະນາສາກົນ “ຮ່ວາງຊາ - ເຈື່ອງຊາ:
ມູນຄວາມຈິງກ່ຽວກັບປະຫວັດສາດ”
(ພາບ: thanhnien.com.vn) (vovworld) – ກອງປະຊຸມສຳມະນາສາກົນ “ຮ່ວາງຊາ - ເຈື່ອງຊາ: ຄວາມຈິງກ່ຽວກັບປະຫວັດສາດ” ດຳເນີນໄປໃນວັນທີ 20/06 ຢູ່ແຂວງດ່ານັ້ງ ດ້ວຍການເຂົ້າຮ່ວມຂອງນັກຮຽນຮູ້, ນັກຄົ້ນຄວ້າ, ນັກຊ່ຽວຊານອັນດັບໜື່ງຂອງບັນດາມະຫາວິທະຍາໄລ ພາຍໃນ ແລະ ຕ່າງປະເທດກວ່າ 100 ຄົນ. ນີແມ່ນການເຄື່ອນໄຫວຖັດຈາກກອງປະຊຸມສຳມະນາ “ອະທິປະໄຕສຳລັບ 2 ໝູ່ເກາະຮ່ວາງຊາ ແລະ ເຈື່ອງຊາ - ບັນດາແງ່ມູມປະຫວັດສາດ ແລະ ກົດໝາຍ” ເຊິ່ງໄດ້ຈັດຂຶ້ນເມື່ອທ້າຍເດືອນ 04/2013 ຢູ່ກວາງຫງ້າຍ.
ກອງປະຊຸມສຳມານາສາກົນດຳເນີນໄປເປັນເວລາ 2 ວັນ, ໄດ້ສູມໃສ່ປຶກສາຫາລືກ່ຽວກັບບັນດາບັນຫາ: ບົດບາດທ່ີຕັ້ງຂອງໝູ່ເກາະຮ່ວາງຊາ - ເຈື່ອງຊາ ຢູ່ທະເລຕາເວັນອອກ; ການຂັດແຂ້ງຢູ່ 2 ໝູ່ເກາະ ແລະ ຜົນສະທ້ອນສຳລັບສັນຕິພາບ ແລະ ຄວາມສະຫງົບປອດໄພໃນພາກພື້ນອາຊີ - ຕາເວັນອອກສ່ຽງໃຕ້. ທ່ານຮອງສາດສະດາຈານ, ດຣ ຟ້າມດັງເຟືອກ, ອະທິການບໍດີມະຫາວິທະຍາໄລ ຟ້າມວັງດົ່ງ, ຫົວໜ່ວຍຈັດຕັ້ງກອງປະຊຸມສຳມະນາ ໃຫ້ຮູ້ວ່າ.
“ປີ 2013, ມະຫາວິທະຍາໄລ ຟ້າມວັນດົ່ງ, ຢູ່ກວາງຫງ້າຍ ໄດ້ຈັດກອງປະຊຸມສຳມະນາ, ສ້າງຄວາມປະທັບໃຈອັນດີງາມໃຫ້ແກ່ນັກຮຽນຮູ້ສາກົນ. ຕາມຄຳເຫັນຂອງນັກຮຽນຮູ້ສາກົນຫຼາຍທ່ານ, ພວກຂ້າພະເຈົ້າສືບຕໍ່ຈັດກອງປະຊຸມສຳມະນາສາກົນຄັ້ງນີ້, ເພື່ອສືບຕໍ່ເຮັດແຈ້ງລັກສະນະປະຫວັດສາດ, ລັກສະນະດ້ານກົດໝາຍກ່ຽວກັບອະທິປະໄຕຂອງຫວຽດນາມ ທີ່ມີຕໍ່ 2 ໝູ່ເກາະຮ່ວາງຊາ ແລະ ເຈື່ອງຊາ. ໃນຈຸດເວລາທີ່ຈີນ ຕັ້ງຮ້ານເຈາະນ້ຳມັນໄຮ່ຢາງ 981 ຢ່າງຜິດກົດໝາຍໃນເຂດເສດຖະກິດຈຳເພາະ ແລະ ໄຫຼ່ທະວີບຂອງຫວຽດນາມ, ແນ່ນອນວ່າ ກອງປະຊຸມສຳມະນາຈະໄດ້ຮັບຄວາມສົນໃຈຂອງບັນດານັກຮຽນຮູ້ ແລະ ສື່ມວນຊົນທັງຢູ່ພາຍໃນ ແລະ ຕ່າງປະເທດເປັນຈຳນວນຫຼວງຫຼາຍ”.