(ພາບປະກອບ:vietnamplus.vn)
(VOV)- ກອງປະຊຸມສຳມະນາອິນເດຍ-ອາຊຽນ ກ່ຽວກັບການຮ່ວມມືໃນຂົງເຂດພະລັງງານໃໝ່ ແລະ ພະລັງງານຜະລິດຄືນໃໝ່ໄດ້ຖືກໄຂຂຶ້ນໃນຕອນເຊົ້າວັນທີ 5/11 ຢູ່ນະຄອນຫຼວງນີວເດລີ ປະເທດອິນເດຍ. ໃນສອງວັນດຳເນີນກອງປະຊຸມສຳມະນາ, ນັກກຳນົດນະໂຍບາຍ, ເຈົ້າໜ້າທີ່ຂັນສູງຮັບຜິດຊອບກ່ຽວກັບດ້ານພະລັງງານຜະລິດຄືນໃໝ່ 250 ທ່ານພ້ອມກັບບັນດາຜູ້ຊ່ຽວຊານເຕັກໂນໂລຊີ ແລະ ອຸດສາຫະກຳຂອງບັນດາປະເທດອາຊຽນ ແລະ ອິນເດຍ ສຸມໃສ່ປຶກສາຫາລືກ່ຽວກັບນະໂຍບາຍ ແລະ ຂອບເຂດກຳນົດເພື່ອແນໃສ່ຊຸກຍູ້ການຮ່ວມມືໃນຂົງເຂດພະລັງງານໃໝ່ ແລະ ພະລັງງານຜະລິດຄືນໃໝ່; ແບ່ງປັນບົດຮຽນລະຫວ່າງປະເທດຕ່າງໆກ່ຽວກັບການພັດທະນາພະລັງງານຜະລິດຄືນໃໝ່ ແລະ ກຳນົດກົນໄກເພື່ອສ້າງການຮ່ວມມືຍາວນານລະຫວ່າງບັນດາອົງການມີໜ້າທີ່ຮັບຜິດຊອບຢູ່ອິນເດຍ ແລະ ອາຊຽນ ໃນຂົງເຂດນີ້.