ກອງປະຊຸມສຳມະນາ “ການແລກປ່ຽນການຄ້າ ລະຫວ່າງວິສາຫະກິດ ຫວຽດນາມ ແລະ ສ.ເກົາຫລີ”
ພາບ:baodientu.chinhphu.vn
|
(vovworld)- ຕອນເຊົ້າວັນທີ 19/7, ຢູ່ ຮ່າໂນ້ຍ ໄດ້ດຳເນີນກອງປະຊຸມສຳມະນາທີ່ມີຫົວຂໍ້ວ່າ: “ການແລກປ່ຽນການຄ້າ ລະຫວ່າງວິສາຫະກິດ ຫວຽດນາມ ແລະ ສເກົາຫລີ” ໂດຍມີການເຂົ້າຮ່ວມຂອງນັກທຸລະກິດສອງປະເທດ ກວ່າ 200 ຄົນ. ມີກວ່າ 3000 ໂຄງການລົງທຶນ, ດ້ວຍຍອດຈຳນວນເງິນລົງທຶນກວ່າ 20 ຕື້ USD, ປະຈຸບັນ ສເກົາຫລີ ແມ່ນຄູ່ຮ່ວມມືສຳຄັນທີ 4 ຂອງ ຫວຽດນາມ ຖັດຈາກຈີນ, ອາເມລິກາ ແລະ ຍີ່ປຸ່ນ. ພິເສດ ໃນຊຸມປີມໍ່ໆມານີ້ ມີສິນຄ້າຂອງຫວຽດນາມ ຫລາຍປະເພດຄື: ສິນໃນນ້ຳ, ເຄື່ອງຕຳແຜ່ນຕັດຫຍິບ, ເຄື່ອງເຟນີເຈີ, ຢາງພາລາ, ກາເຟ ໄດ້ສົ່ງໄປຂາຍຢູ່ ຕະຫລາດ ສເກົາຫລີ. ກ່າວປາໄສທີ່ກອງປະຊຸມສຳມະນາ, ທ່ານ Tran Quoc Khanh ລັດຖະມົນຕີຊ່ວຍວ່າການກະຊວງອຸດສາຫະກຳ ແລະ ການຄ້າ ຫວຽດນາມ ປາດຖະຫນາວ່າ: ໃນໄລຍະຈະມາເຖິງ ສາຍພົວພັນອັນດີງາມລະຫວ່າງສອງປະເທດຈະນັບມື້ນັບພັດທະນາ ແລະ ວິສາຫະກິດສອງປະເທດ ມີຫລາຍກາລະໂອກາດແລກປ່ຽນການຄ້າ ເພື່ອຊຸກຍູ້ການພັດທະນາເສດຖະກິດລວມຂອງສອງປະເທດ. ທ່ານ Tran Quoc Khanh ເນັ້ນຫນັກວ່າ:
“ຄວາມສາມາດບົ່ມຊ້ອນເພື່ອພັດທະນາດ້ານການຄ້າລະຫວ່າງສອງປະເທດ ແມ່ນໃຫຍ່ຫລວງ. ສັນຍາການຄ້າເສລີສອງຝ່າຍຈະປະກອບສ່ວນຊຸກຍູ້ການພົວພັນດ້ານການເມືອງ, ເສດຖະກິດ, ວັດທະນະທຳ ລະຫວ່າງສອງປະເທດ ແລະ ຮັດແຫນ້ນການພົວພັນຄູ່ຮ່ວມມືຍຸດທະສາດລະຫວ່າງ ຫວຽດນາມ ແລະ ສເກົາຫລີ.”