(vovworld) - ໃນຂອບເຂດກອງປະຊຸມຮ່ວມມືບັນດາທ້ອງຖິ່ນຫວຽດນາມ - ຝລັ່ງ ຄັ້ງທີ 10, ພວມດຳເນີນຢູ່ນະຄອນເກີນເທີ, ຕອນບ່າຍວັນທີ 14/09, ຜູ້ຕາງໜ້າການນຳນະຄອນຫາຍຟ່ອງ ແລະ ນະຄອນ Brest ໄດ້ເປັນປະທານຮ່ວມກອງປະຊຸມສຳມະນາຫົວເລື່ອງສະເພາະກ່ຽວກັບການຮ່ວມມືດ້ານເສດຖະກິດ ແລະ ທ່ອງທ່ຽວ. ຕາມທ່ານເລແທງເຊີນ, ຮອງປະທານຄະນະກຳມະການປະຊາຊົນນະຄອນຫາຍຟ່ອງ ແລ້ວ, ກອງປະຊຸມສຳມະນາເສດຖະກິດສາກົນ ແມ່ນເພື່ອແນໃສ່ຮັບໃຊ້ຍຸດທະສາດພັດທະນາແຫ່ງຊາດ, ແມ່ນຄວາມຕ້ອງການທີ່ຈຳເປັນຂອງ 2 ປະເທດ, ມີຄວາມໝາຍສຳຄັນໃນສະພາບຫັນເປັນທົ່ວໂລກ ແລະ ເຊື່ອມໂຍງດ້ານເສດຖະກິດນັບມື້ນັບເລິກເຊິ່ງ, ກວ້າງຂວາງ. ທີ່ກອງປະຊຸມສຳມະນາ, 2 ຝ່າຍໄດ້ທົບທ້ວນຄືນບັນດາການຮ່ວມມືດ້ານເສດຖະກິດ ແລະ ທ່ອງທ່ຽວຢ່າງມີປະສິດທິຜົນເວົ້າລວມ, ສຸມໃສ່ເລິກເຂົ້າໃນຂົງເຂດສິນໃນນ້ຳ - ທ່ອງທ່ຽວ, ແບ່ງປັນບົດຮຽນທີ່ມີປະໂຫຍດໃນວິວັດແຫ່ງການຜັນຂະຫຍາຍການຮ່ວມມື ແລະ ຊອກຫາແບບວິທີ, ມາດຕະການແກ້ໄຂໃຫ້ບັນດາການຮ່ວມມືໃນໄລຍະຈະມາເຖິງ.