ກອງປະຊຸມຮ່ວມມື ຊາວໜຸ່ມບັນດາແຂວງຊາຍແດນ ຫວຽດນາມ-ລາວປີ 2013
ການນຳຄະນະຊາວໜຸ່ມ 2 ປະເທດຫວຽດນາມ-ລາວ
ໄດ້ລົງນາມໃນບົດບັນທຶກຊ່ວຍຈຳ (ພາບ: internet)
|
Vovworld- ໃນລະຫວ່າງວັນທີ 28-30/3, ຢູ່ນະຄອນຍາຈາງ ແຂວງແຄ້ງຮ່ວາ, ໄດ້ດຳເນີນກອງປະຊຸມ ຮ່ວມມື ຊາວໜຸ່ມລະຫວ່າງບັນດາແຂວງຊາຍແດນທີ່ເປັນແຮກສ່ຽວ ຫວຽດນາມ-ລາວປີ 2013. ບັນດາຜູ້ແທນທີ່ເຂົ້າຮ່ວມກອງປະຊຸມໄດ້ ຕີລາຄາສູງໝາກຜົນການເຄື່ອນໄຫວຮ່ວມມືລະຫວ່າງຊາວໜຸ່ມບັນດາແຂວງ ຊາຍແດນທີ່ເປັນແຮກສ່ຽວ ຫວຽດນາມ-ລາວໃນປີ 2012 ຊຶ່ງແມ່ນປີສາມັກຄີ ມິດຕະພາບຫວຽດນາມ-ລາວ. ມີບັນດາການເຄື່ອນໄຫວທີ່ມີຄວາມໝາຍຕິດແທດຕົວຈິງຄື : ແລກປ່ຽນບັນດາຄະນະຜູ້ແທນຂັ້ນສູງຊາວໜຸ່ມຂອງ 2 ປະເທດ, ຮ່ວມມືກໍ່ສ້າງ ພະນັກງານເຮັກວຽກງານຊາວໜຸ່ມ, ເພີ່ມທະວີການພົບປະແລກປ່ຽນລະຫວ່າງ ຊາວໜຸ່ມບັນດາແຂວງ, ນະຄອນຂອງ 2 ປະເທດເວົ້າລວມ ແລະ ບັນດາແຂວງທີ່ມີເສັ້ນຊາຍແດນຮ່ວມເວົ້າສະເພາະ, ສົມທົບກັນຈັດຕັ້ງບັນດາການເຄື່ອນໄຫວ ຊາວໜຸ່ມອາສາສະໝັກ; ກໍ່ສ້າງໝູ່ບ້ານມິດຕະພາບ ຊາວໜຸ່ມເຂດຊາຍແດນ ຫວຽດນາມ-ລາວ....ທີ່ກອງປະຊຸມ, ການນຳຄະນະ ຊາວໜຸ່ມ 2 ປະເທດຫວຽດນາມ-ລາວ ໄດ້ລົງນາມໃນບົດບັນທຶກຊ່ວຍຈຳ, ໃນນັ້ນເປັນເອກະພາບກັນສົ່ງເສີມ ແລະ ສ້າງເງື່ອນໄຂສະດວກເພື່ອໃຫ້ບັນດາຄະນະ ຊາວໜຸ່ມແຂວງ, ນະຄອນ, ບັນດາຫົວໜ່ວຍທີ່ຂຶ້ນກັບສູນກາງຄະນະ ຊາວໜຸ່ມ 2 ປະເທດ, ເປັນຕົ້ນແມ່ນບັນດາແຂວງຊາຍແດນ ເພີ່ມທະວີການພົວພັນຮ່ວມມືໂດຍກົງ, ເຂົ້າຮ່ວມການກໍ່ສ້າງເສັ້ນຊາຍແດນແຫ່ງຄວາມສະຫງົບ, ສັນຕິພາບ, ການຮ່ວມມື ແລະ ພັດທະນາ .