( vovworld ) - ຕອນເຊົ້າວັນທີ 18/5, ຢູ່ແຂວງກວາງຈິ້, ໄດ້ໄຂກອງປະຊຸມຮອງລັດຖະມົນຕີການຕ່າງປະເທດຫວຽດນາມ, ລາວ, ໄທ ກ່ຽວກັບແລວເສດຖະກິດຕາເວັນອອກ ຕາເວັນຕົກ. ຜູ້ຕາງໜ້າການນຳກະຊວງການຕ່າງປະເທດຂອງ 3 ປະເທດ, ບັນດາແຂວງນະຄອນເຊິ່ງນອນໃນແລວເສດຖະກິດຕາເວັນອອກ ຕາເວັນຕົກຂອງທັງ 3 ປະເທດຫວຽດນາມ, ລາວ, ໄທ, ບັນດາອົງການສາກົນເຂົ້າຮ່ວມກອງປະຊຸມ. ກ່າວຄຳເຫັນທີ່ກອງປະຊຸມ, ທ່ານຮອງລັດຖະມົນຕີການຕ່າງປະເທດຫວຽດນາມ Ho Xuan Son ຖືວ່າ ເພື່ອຂຸດຄົ້ນຜົນປະໂຫຍດຂອງແລວເສດຖະກິດຕາເວັນອອກ ຕາເວັນຕົກຢ່າງສຸດຂີດ, ບັນດາປະເທດຕ້ອງການ:
“ ບັນດາປະເທດຕ້ອງແບ່ງປັນວິໄສທັດ, ພ້ອມກັນກຳນົດຄວາມຫຍຸ້ງຍາກ, ສິ່ງທ້າທ້າຍ,ກົນໄກຮ່ວມມື, ຂັ້ນຕອນແກ້ໄຂ, ໜູນຊ່ວຍບັນດາເວທີປາໄສໃນຂອບເຂດອານຸພາກພື້ນແມ່ນນ້ຳຂອງເປີດກວ້າງ ( GMS ). ກໍ່ສ້າງກົນໄກສົມທົບກັນຕີລາຄາບັນດາດ້ານດີ ແລະ ແກ້ໄຂບັນດາບັນຫາທີ່ເກີດຂຶ້ນ ຈຳເປັນຕ້ອງມີການສົມທົບກັນຢ່າງແໜ້ນແຟ້ນຂອງບັນດາກະຊວງຂະແໜງສູນກາງ, ທ້ອງຖິ່ນລະຫວ່າງບັນດາປະເທດຢູ່ແລວເສດຖະກິດຕາເວັນອອກ ຕາເວັນຕົກຢ່າງແໜ້ນແຟ້ນ ”.
ທີ່ກອງປະຊຸມ, ຜູ້ຕາງໜ້າ 3 ປະເທດຫວຽດນາມ, ລາວ, ໄທ ກໍເປັນເອກະພາບນຳກັນກ່ຽວກັບທັດສະນະສືບຕໍ່ຍູ້ແຮງການຮ່ວມມືກັບບັນດາອົງການສາກົນ, ພິເສດແມ່ນຍີ່ປຸ່ນ ແລະ ທະນາຄານພັດທະນາອາຊີ, ແນະນຳ, ໂຄສະນາ ແລະ ສົງເສີມການລົງທຶນພື້ນຖານໂຄງລ່າງຄວາມສາມາດບົ່ມຊ້ອນ ທ່າແຮງຂອງທ້ອງຖິ່ນ ແລະ ນັບທັງພາກພື້ນ, ນຳແລວເສດຖະກິດຕາເວັນອອກ ຕາເວັນຕົກ ຈາກແລວທາງຄົມມະນະຄົມບົກໃຫ້ກາຍເປັນແລວເສດຖະກິດພັດທະນາ.