(vovworld) – ມື້ທີ 3 ຂອງຮອບເຈລະຈາທີ 2 ກ່ຽວກັບສັນຕິພາບຢູ່ ຊີຣີ ໃນຂອບເຂດກອງປະຊຸມ ເຊີນແນວ 2 ບໍ່ໄດ້ຮັບຜົນເມື່ອຜູ້ຕາງໜ້າລັດຖະບານ ຊີຣີ ແລະ ຝ່າຍຄ້ານກ່າວຫາກັນລະເມີດຄຳສັ່ງຢຸດຍິງ.
ຜູ້ຕາງໜ້າຂອງອຳນາດການປົກຄອງປະທານາທິບໍດີ Bashar al – Assad ໄດ້ຍົກອອກເອກະສານກ່າວຫາບັນດາມືປືນ ອິດສະລາມ ຝ່າຍຄ້ານໄດ້ດຳເນີນການບຸກໂຈມຕີບ້ານ Maan ຢູ່ພາກກາງ Hama, ເຮັດໃຫ້ສາມັນຊົນຫຼາຍຄົນເສຍຊີວິດ. ໃນຂະນະນັ້ນ, ຄະນະເຈລະຈາຂອງຝ່າຍຄ້ານໄດ້ຍົກອອກບົດລາຍງານກ່ຽວກັບ “ການໃຊ້ຄວາມຮຸນແຮງ, ໂທດກຳຕ້ານມະນຸດ ແລະ ກໍ່ການຮ້າຍລັດ” ຂອງອຳນາດການປົກຄອງ ຊີຣີ.
ນອກຈາກນັ້ນ, 2 ຝ່າຍກໍ່ບໍ່ປະນິປະນອມກັນກ່ຽວກັບເລື່ອງສ້າງຕັ້ງລັດຖະບານຂ້າມຜ່ານ. ຝ່າຍຄ້ານຖືເລື່ອງສ້າງຕັ້ງລັດຖະບານຂ້າມຜ່ານ ບໍ່ມີທ່ານປະທານາທິບໍດີ Bashar al – Assad ແມ່ນວິທີໜຶ່ງດຽວເພື່ອຢຸດຕິສະພາບການນອງເລືອດໃນຂະນະທີ່ຝ່າຍລັດຖະບານເດັດດຽວຖືວ່າ: ອະນາຄົດຂອງປະທານາທິບໍດີ ບໍ່ແມ່ນເລື່ອງເພື່ອນຳມາເຈລະຈາ.