( vovworld ) - ຕອນເຊົ້າວັນທີ 26/6, ຢູ່ຮ່າໂນ້ຍ, ກະຊວງສາທາລະນະສຸກຫວຽດນາມ ໄດ້ສົມທົບກັບສະຫະພາບເອີລົບ ຈັດຕັ້ງກອງປະຊຸມເຜີຍແຜ່, ແບ່ງປັນ ແລະ ມອບຮັບບັນດາໝາກຜົນຂອງໂຄງການໜູນຊ່ວຍ, ເບິ່ງແຍງສຸຂະພາບໃຫ້ແກ່ຄົນທຸກຍາກຢູ່ບັນດາແຂວງທາງພາກເໜືອ ແລະ ເຂດໄຕຫງວຽນ ( HEMA ). ພາຍຫຼັງ 6 ປີແຫ່ງການປະຕິບັດ, ໂຄງການໄດ້ປະກອບສ່ວນຍົກສູງຄວາມສາມາດສຳພັດບັນດາການບໍລິການສາທາລະນະສຸກທີ່ມີຄຸນນະພາບໃຫ້ແກ່ຄົນທຸກຍາກ; ຊ່ວຍເຫຼືອວຽກງານເບິ່ງແຍງດູແລສຸຂະພາບໃນເບື້ອງຕົ້ນຜ່ານການລົງທຶນໃຫ້ແກ່ຫົວໜ່ວຍສາທາລະນະສຸກຂັ້ນຮາກຖານ ແລະ ອື່ນໆ. ສະເພາະປີ 2011 ໂຄງການໄດ້ຝຶກອົບຮົມໃຫ້ແກ່ພະນັກງານແພດຂັ້ນບ້ານ, ຕາແສງ 3 ພັນຄົນ. ທ່ານນາງຮອງລັດຖະມົນຕີກະຊວງສາທາລະນະສຸກ Nguyen Thi Xuyen, ຫົວໜ້າຄະນະຊີ້ນຳໂຄງການຊ່ວຍເຫຼືອ, ເບິ່ງແຍງດູແລສຸຂະພາບໃຫ້ຄົນທຸກຍາກຢູ່ບັນດາແຂວງພູດອຍທາງພາກກາງ ແລະ ໄຕຫງວຽນ, ໃຫ້ຮູ້ວ່າ.
“ ດ້ວຍບົດຮຽນຂອງໂຄງການ ຈະຜັນຂະຫຍາຍໃນບັນດາໂຄງການຈຸດໝາຍແຫ່ງຊາດ ເພື່ອຮັກສາໝາກຜົນ. ຕົວຢ່າງຄື ຈາກການຜັນຂະຫຍາຍທົດລອງຮູບແບບຄຸ້ມຄອງຄົນເຈັບຕິດໂລກຫືດ ແລະ ຄວາມດັນເລືອດຂຶ້ນສູງ ໂດຍອີ່ງໃສ່ວົງຄະນະຍາດຂອງໂຄງການ, ພວກເຮົາໄດ້ນຳເຂົ້າໂຄງການຈຸດໝາຍແຫ່ງຊາດທີ່ໄດ້ຜັນຂະຫຍາຍໃນທົ່ວປະເທດ. ກ່ຽວກັບຂົງເຂດປະກັນສຸຂະພາບ ໄດ້ເຮັດທົດລອງຢູ່ 3 ສຸກສາລາຕາແສງໂດຍຊຳນະຕາມຕຽງນອນຄົນເຈັບໃນໄລຍະທີ່ຈະມາເຖິງ, ຈະຜັນຂະຫຍາຍບັນດາສຸກສາລາອື່ນໆ”.